جامالەددين بەيسەنوۆ
زەردە • بۇگىن, 08:52
جامالەددين بەيسەنوۆ – ىبىراي التىنسارين نەگىزىن قالاعان قازاقتىڭ جاڭا ۇلگىدەگى ءبىلىم جۇيەسىنىڭ العاشقى لەگىندە تۇرعان, اعارتۋشىلىق مۇراتتى ومىرىنە سەرىك ەتكەن تۇلعا. قوستانايداعى ەكى كلاستىق ورىس-قازاق ۋچيليششەسىندە ءبىلىم الىپ, ورىنبور قازاق مۇعالىمدەر مەكتەبىن تامامداعان ول بار سانالى عۇمىرىن ەل بالاسىن وقىتۋعا, قازاق قوعامىنىڭ كوزىن اشۋعا ارنادى. ىبىراي ءالتىنساريننىڭ شاكىرتى ءارى ءىزباسارى ج.بەيسەنوۆ پەداگوگ, جازۋشى سپانديار كوبەەۆتى العاش مەكتەپكە جەتەلەپ, وقۋ ۇيرەتىپ, ءبىلىم بەرگەن. سپانديار كوبەەۆتىڭ «ورىندالعان ارمان» مەمۋارلىق رومانىندا: «جامالەددين بەيسەننىڭ بالاسى ەدى. ورىنبوردا وقىتۋشىلار دايارلايتىن مەكتەپتى ءبىتىرىپ شىققان جاس وقىتۋشى بولاتىن. باعىمىزعا قاراي, جامالەددين دە, دوسماعۇل دا, ءتىپتى ىبىرايدىڭ ءوزى دە كەلىپتى.
