ەەق
قازاقستان • 03 شىلدە, 2025
وتاندىق وندىرۋشىلەرگە ۇلتتىق رەجيم بەرىلەدى
بيىل 1 شىلدەدە ەۋرازيالىق ەكونوميكالىق كوميسسيا القاسىنىڭ وتىرىسىندا مەملەكەتتىك ساتىپ الۋلار ماقساتىندا تاۋارلاردىڭ شىققان ەلىن انىقتاۋ قاعيدالارىنا 11-قوسىمشاسىن التى جاڭا تاۋار پوزيتسياسىمەن – مەديتسينالىق جانە حيميالىق بۇيىمدارمەن تولىقتىرۋ تۋرالى شەشىم ماقۇلداندى. بۇل شەشىم – ەۋرازيالىق ەكونوميكالىق وداق (ەاەو) تاۋارلارى رەتىندە تانىلاتىن ونىمدەر تىزبەسىن كەڭەيتۋگە جانە تيىسىنشە, وداقتىڭ بارلىق مۇشە مەملەكەتتەرىنىڭ اۋماعىندا مەملەكەتتىك ساتىپ الۋلارعا قاتىسۋ كەزىندە ولارعا ۇلتتىق رەجيم بەرۋ ماقساتىندا قابىلداندى. بۇل تاۋارلار شىققان ەلىن راستايتىن ست-1 سەرتيفيكاتى بولعان جاعدايدا ەاەو ەلدەرىنىڭ مەملەكەتتىك ساتىپ الۋلارىنا قاتىسا الادى, دەپ حابارلايدى Egemen.kz.
