قۇرىلىس • 10 تامىز, 2025

قۇمىرسقانىڭ يلەۋىنەن قۇرىلىس نىسانىنا دەيىن

اڭگىمەنى الىمساقتان باستاساق, ادام ءزاۋزاتى تابيعات تىلسىمىن ۇعىپ, شيكى استى قۇنارعا, قۇر تاستى قۇرالعا اينالدىرۋدى ۇيرەنگەن ساتتەن باستاپ, وزىنە جايلى مەكەن جاساۋعا بەيىمدەلە بەردى. قۇمىرسقانىڭ يلەۋ قازىپ,  قارلىعىشتىڭ ۇيا سالعانىن كورگەن ارعى ءناسىلىمىز باسپانا ماڭىزىن ۇعىنا ءتۇستى.تاريح تامىرىنا ۇڭىلسەك, افريكاداعى ولدۋۆەي شاتقالىندا ادامدار لاۆا كەسەكتەرىنەن تەگىس الاڭ جاساپ, العاشقى قۇرىلىس ارەكەتىن وسىدان 1 ملن 750 مىڭ جىل بۇرىن جۇزەگە اسىرعان كورىنەدى. ال قازىرگى قازاق دالاسىنداعى العاشقى قۇرىلىس تا تىم ەرتە, ءبىزدىڭ زامانىمىزدان ءۇش مىڭ جىل بۇرىن بوتاي قونىسىندا باستالعان. وسى ۋاقىتتا بابالارىمىز جىلقىنى قولعا ۇيرەتىپ, بالشىق پەن اعاشتان جاسالعان ۇيلەردى تۇرعىزىپ ۇلگەرگەن.ء داۋىر دوڭعالاعى اينالىپ, جاڭا زامانعا جەتكىزگەن قازىرگى كۇندە دە ەلىمىزدەگى قۇرىلىس قارقىنى باسەڭدەگەن ەمەس. قالا جاڭارىپ, اۋىل تۇلەپ, ينفراقۇرىلىم كەڭەيىپ جاتقان تۇستا بۇل سالانىڭ جۇگىن ارقالاپ جۇرگەن مامانداردىڭ ەڭبەگى ەرەن.