ءبىز سوعىستى كورگەن جوقپىز
ادەبيەت • 05 مامىر, 2025
ءبىز سوعىستى كورگەن جوقپىز, بىراق...
بارلىق ادام بالاسى دۇنيەگە بالا بولىپ كەلەدى. بىردەن ەرەسەك قالپىندا جارالعان ەكى-اق ادام بار. ول ادام اتا مەن حاۋا انا. اڭىزدا ءتۇپ اتامىزدىڭ جىلىك مايى تولىسقان جىگىت بەينەسىندە جارالعانى ايتىلادى. ال حاۋا بولسا ون جەتى جاستاعى بويجەتكەن. ساناعا سالىپ ساراپتاساق, ەكەۋىنىڭ سابيلىك كەزەڭى بولعان جوق. كەزدەسكەن بەتتە ەكەۋى جۇپ قۇراپ ءناسىل ءوربىتتى. ەرەسەك عۇمىر كەشتى. بىراق, شىركىن-اي, بالالىق شاقتا باتپىراۋىق ۇشىرىپ, تىعىلماق ويناي العانعا نە جەتسىن. حوش, ەسىركەپ قايتەمىز, ولار نە دەگەنمەن جۇماقتا تۋدى عوي. ال سوعىس دەيتىن «توزاقتا» دۇنيەگە كەلگەن بالالاردىڭ تاقسىرەتىن قالاي ۇعىنامىز؟
