ءبىز بىرگەمىز.قازاقستان
قوعام • 15 ناۋرىز, 2024
قايىرىمدىلىق جاساۋ ۇلت پەن شەكاراعا بولىنبەيدى - گازا ايماعىندا ەرىكتى بولعان جالعىز قازاق قىزى
جەر-جاھاندى قاتىگەزدىكتىڭ قاپتاپ كەتۋىنەن ساقتاپ تۇرعان نازىك سەزىم بار. ول – مەيىرىم. جۇرەك مەيىرىمگە تولى بولعاندا, بىلەك جاماندىققا جۋىمايدى. تىرشىلىكتە قايىرىمدىلىق سالتانات قۇرادى. ءبىر-بىرىنە قارايلاسقان جۇرت باردا, تۇرمىس تۇرالامايدى, ءار شاڭىراقتان ءتۇتىن ءتۇزۋ شىعادى. «بەس ساۋساق بىردەي بولمايتىنى» ءمالىم عوي. مۇندايدا الەمدى اينالاسىنا اتىمتاي جومارتتىق جاسايتىن جاندار قۇتقارادى. قازاق دالاسىندا اتىرابىن مالىمەن اسىراپ, اشتىقتان امان ساقتاپ, شالعاي وڭىردە ءبىلىم شىراعىن جاعىپ, جيعانىن رۋحانيات جولىنا سارپىعان باي-باعلانداردىڭ اتى ءمالىم.
