بەرىك بازارباەۆ
شارۋاشىلىق • 09 قاڭتار, 2026
بەرىك بازارباەۆ: «ءارامشوپ – استىقتىڭ باستى جاۋى»
«تۇستىك ءومىرىڭ بولسا, كەشتىك مال جينا» دەگەن قاعيدانى بۇلجىتپاي ورىندايتىن شارۋاشىلىق يەلەرىنىڭ ءبىرى – ديقاندار دەسەك, ارتىق ايتقاندىعىمىز ەمەس. كوكتەمگى ەگىستىككە قازىردەن قىزۋ دايىندىق جۇرگىزىپ جاتقان سالا ماماندارى ىزدەنىسىن ءبىر ءسات تە توقتاتقان ەمەس. وسى ورايدا اۋىل شارۋاشىلىعى ءوندىرىسىنىڭ تيىمدىلىگىن ارتتىرۋ باعىتىندا عىلىم مەن تاجىريبەنى ۇشتاستىرۋعا ەرەكشە كوڭىل ءبولىپ جاتقان ا.ي.باراەۆ اتىنداعى استىق شارۋاشىلىعى عىلىمي-وندىرىستىك ورتالىعىنىڭ وسىمدىكتەردى قورعاۋ زەرتحاناسىنىڭ اعا عىلىمي قىزمەتكەرى بەرىك بەكتۇر ۇلى بازارباەۆپەن اڭگىمەلەسكەن ەدىك. عالىم اقمولا وبلىسى اكىمدىگىنىڭ اۋىل شارۋاشىلىعى جانە جەر قاتىناستارى باسقارماسىنىڭ قولداۋىمەن جۇزەگە اسىرىلىپ جاتقان 019 بيۋدجەتتىك باعدارلاما – «يننوۆاتسيالىق تاجىريبەنى تاراتۋ جانە ەنگىزۋ بويىنشا قىزمەتتەر» اياسىنداعى جۇمىستارعا بەلسەندى قاتىسىپ قانا قويماي, ىزدەنىس ناتيجەلەرىن دە بۇكپەسىز ورتاعا سالدى.
