بجت
قوعام • 20 اقپان, 2023
بجت-نى كىمدەر جانە نە ءۇشىن تولەيدى؟
ەلىمىزدە ەش جەردە رەسمي جۇمىس ىستەمەيتىن, الايدا تابىس تاباتىن ازاماتتار جەتەرلىك. ولار زەينەتاقى مەن مەديتسينالىق ساقتاندىرۋ قورىنا اقشا اۋدارمايدى. ۇكىمەت مۇنداي ازاماتتاردى ءوزىن-ءوزى جۇمىسپەن قامتىعاندار دەيدى. ونىڭ ىشىندە بالا كۇتۋشى, فريلانسەرلەر, تاكسي جۇرگىزۋشىلەر, قوراداعى ازىن-اۋلاق مالىن ساتىپ, تابىس تاباتىن وزگە دە قازاقستاندىقتار بار. ءدال وسى ازاماتتارعا بىرىڭعاي جيىنتىق تولەم (بجت) تولەۋ ءتيىمدى ءارى ىڭعايلى. ول ءتورت ءتۇرلى تولەمدى – جەكە تابىس سالىعىن, زەينەتاقى قورىنا, الەۋمەتتىك ساقتاندىرۋ قورىنا جانە مەديتسينالىق ساقتاندىرۋ قورىنا اۋدارىلاتىن جارنالاردى بىرىكتىرەدى. بجت-نى تاعى كىمدەر تولەي الادى, ساقتاندىرۋ مارتەبەسىنەن ايىرىلماۋ ءۇشىن ونى قالاي دۇرىس تولەۋ كەرەك دەگەن ساۋالدارعا الەۋمەتتىك مەديتسينالىق ساقتاندىرۋ قورىنىڭ مەديتسينالىق قىزمەتتەردى تۇتىنۋشىلارمەن جۇمىس جاساۋ – بايلانىس ورتالىعى باسقارماسىنىڭ باسشىسى بەكزات تۇرماحانبەتوۆ جاۋاپ بەردى, دەپ حابارلايدى Egemen.kz.
