اتلاح-تالاس شايقاسى
تاريح • 19 ءساۋىر, 2021
اتلاح-تالاس شايقاسى: ۇلى جەڭىسكە 1270 جىل
وسىدان تۇپ-تۋرا 1270 جىل بۇرىن, ياعني 751 جىلدىڭ شىلدە ايىندا, تاراز (تالاس) قالاسىنا ىرگەلەس جاتقان شاعىن عانا اتلاح بەكىنىسى ماڭىندا كۇللى ازيا مەن قازاق جەرىنىڭ تاعدىرىنا ءتۇبىرلى وزگەرىس اكەلگەن وراسان زور قاندى شايقاس بولعان ەدى. زەرتتەۋشى عالىمدار ونى بىردە «تالاس شايقاسى» دەپ جازسا, بىردە «اتلاح شايقاسى» دەپ جازىپ كەلدى. ءبىز شايقاس الاڭىنىڭ اۋقىمىن, ەكى جاقتان سوعىسقا قاتىسقان اسكەردىڭ قيمىل-قوزعالىسىن ەسكەرە وتىرىپ, بۇل الاپات ايقاستى «اتلاح-تالاس شايقاسى» دەپ اتاۋدى ءجون كوردىك. ال ەلىمىزدىڭ تاريح وقۋلىقتارىندا ءوز جەرىمىزدە بولىپ وتكەن وسىناۋ اسا ماڭىزدى تاريحي وقيعا تۋرالى ماردىمدى ەشنارسە جوعى وكىنىشتى.
