اسىلبەك ءابدىراشيت
عىلىم • 11 ءساۋىر, 2025
عىلىم ناتيجەلەرىن پراكتيكالىق سالاعا ەنگىزۋ ەسكەرىلسە - جاس عالىم
ەلىمىزدە عىلىم الەۋەتىن الدەندىرۋ - ءداۋىرىمىزدىڭ باستى بايگەسى. عىلىمى وركەندەگەن مەملەكەتتىڭ بۇگىنى مەن بولاشاق تاعدىرى جارقىن بولاتىنىن اركىم-اق تۇيسىنەدى. مۇنداعى نەگىزگى قادام – ناقتى ارەكەت. ال ارەكەت تۇلعانىڭ وزىنەن باستالادى. وسى قاعيدانى ءومىر سالتىنا اينالدىرعان جاس عالىمدار توبىنىڭ جەمىستى ناتيجەلەرى ءار تاراپتان سۇيىنشىلەي ەستىلىپ جاتادى. سولاردىڭ ءبىرى قازاقستان ءۇشىن ستراتەگيالىق ماڭىزدى سالا مەتاللۋرگياداعى عىلىمدى سەرىك ەتكەن – ق.جۇبانوۆ اتىنداعى اقتوبە وڭىرلىك ۋنيۆەرسيتەتى, «مەتاللۋرگيا جانە تاۋ-كەن ءىسى كافەدراسىنىڭ» اعا وقىتۋشىسى اسىلبەك ءابدىراشيت. اسىلبەك مەتاللۋرگيا سالاسىنا يننوۆاتسيالىق تەحنولوگيالاردى ەنگىزۋ, ناقتى وندىرىستىك جانە ەكولوگيالىق ماسەلەلەردى شەشۋ ارقىلى يمپورتقا تاۋەلدىلىكتى ازايتۋ ءۇشىن تەر توگىپ ءجۇر. جاس عالىم ءوزى تاڭداعان جول - ونەركاسىپتى جاڭعىرتۋ جانە وتاندىق تەحنولوگيالاردى دامىتۋعا باستايتىنىنا سەنىمدى, دەپ جازادى Egemen.kz.
