ليۋدميلا ميليۋتينا
قوعام • 20 مامىر, 2025
«قازاق اۋىلىندا تۋىپ-وسكەنىمدى ماقتان تۇتامىن!»
ومىرگە كەلگەن ساتىڭنەن باستاپ, تۋعان جەرىڭ ساعان التىن بەسىك-اتامەكەن بولىپ سانالاتىنى ءسوزسىز. ول مەكەن – اكە-شەشەڭنىڭ, اتا-اجەڭنىڭ, ارعى اتا-بابالارىڭنىڭ, سەنەن كەيىنگى ۇرپاقتاردىڭ قۇتتى قونىسى, مەكەنى. مەنىڭ تۋىپ-وسكەن جەرىم – سولتۇستىك قازاقستان وبلىسى ەسىل اۋدانىنداعى بۇلاق اۋىلى. باقىتتى بالالىق شاعىم وسى اۋىلدا ءوتتى. ۇلكەن قازاق اۋىلىندا جالعىز عانا ورىس وتباسى تۇردىق. «سەن ورىسسىڭ, ءبىز قازاقپىز» دەپ بولگەندەرىن ەشقاشان ەستىمەگەندىكتەن وتباسىمىزبەن ابدەن ءسىڭىپ كەتكەنىمىز شىندىق.
