قازاقستان • 16 اقپان, 2023
اەس – ەل ەكونوميكاسىنىڭ درايۆەرى
ەلىمىزدە اتوم ەلەكتر ستانساسىن سالۋ ماسەلەسى توڭىرەگىندە تۋىنداعان ەكىجاقتى پىكىرلەر ءالى دە ءبىر توقتامعا كەلەر ەمەس. ويتكەنى كسرو-نىڭ چەرنوبىل جانە جاپونيانىڭ فۋكۋسيما قالالارىندا بولعان اپات پەن سەمەي يادرولىق پوليگونىنداعى جارىلىس زاردابىنان قايمىعىپ قالعان حالىق اتوم ەنەرگياسى وندىرىسىندە دە وسىنداي جاعداي قايتالانۋى مۇمكىن دەگەن كۇدىكپەن قارسىلىق تانىتۋدا. ەل پرەزيدەنتى قاسىم-جومارت توقاەۆ «قازاقستاندا اتوم ەنەرگياسىن قۇرۋ مۇمكىندىگىن جان-جاقتى زەرتتەۋ كەرەك. مەنىڭشە, بۇل ماسەلەنى ەگجەي-تەگجەي قاراستىراتىن ۋاقىت جەتتى, سەبەبى قازاقستانعا اەس كەرەك. تازا اتوم ەنەرگياسى بولماسا, بۇكىل ەكونوميكامىزدى جوعالتامىز» دەگەن بولاتىن حالىققا ارنالعان جولداۋىندا. سونىمەن ماماندار اتالعان ماسەلەنى ساراپتاي كەلە ەلىمىزدە اەس سالىناتىن ورىن رەتىندە ازىرگە الماتى وبلىسىنىڭ جامبىل اۋدانىنا قاراستى ۇلكەن ەلدى مەكەنىن بەلگىلەدى.
