15 000 شارشى مەترگە ورىستەتىلەدى
استانادا وتەتىن «KADEX-2016» حالىقارالىق قارۋ-جاراق پەن اسكەري-تەحنيكالىق م ۇلىك كورمەسىنىڭ ستاتيكالىق ەكسپوزيتسياسىن ۇيىمداستىرۋ ءۇشىن 15 مىڭداي شارشى مەتر, سونداي-اق, 8 جابىق پاۆيلون ءبولىندى.
مۇندا الەمنىڭ ءار ەلىنەن كەلگەن قاتىسۋشى كومپانيالار ورنالاستىرىلادى. قازىرگى ۋاقىتتا 300-دەن اسا اسكەري تەحنيكا ءوندىرۋشى كومپانيالار ءوز ءونىمىن كورمەگە ۇسىنۋعا ءازىر. بۇل رەتتە, شەتەلدىك قاتىسۋشىلاردىڭ, سونداي-اق, تاياۋ جانە الىس شەتەلدەردىڭ وكىلدەرىنەن وتىنىمدەر كۇن سايىن كەلىپ تۇسۋدە.
الداعى «KADEX-2016» كورمەسى استانادا ماۋسىمنىڭ 2-ءى مەن 5-ءى ارالىعىندا وتەدى. اتالعان كورمەنىڭ باستى ماقساتىنىڭ ءبىرى قازاقستاننىڭ قورعانىس-ونەركاسىبى كەشەنىن جانداندىرۋ بولىپ تابىلادى. اسكەري ماقساتتاعى قازاقستاندىق جانە شەتەلدىك تاۋار وندىرۋشىلەردىڭ بىرلەسكەن جۇمىسى ءۇشىن الاڭ رەتىندە كورمە وتاندىق قورعانىس-ونەركاسىبى كەشەنىن دامىتۋ ءۇشىن قوسىمشا جاعدايلار جاساۋعا مۇمكىندىك بەرەدى. سونىمەن بىرگە, «KADEX-2016» جەتەكشى شەتەلدىك جانە وتاندىق تاۋار وندىرۋشىلەرمەن اسكەري-تەحنيكالىق ىنتىماقتاستىقتى جاقسارتۋعا ىقپال ەتەدى, ءارى قاراي ساتىپ الۋ ءۇشىن ءونىمنىڭ تۇرلەرىن ايقىنداۋعا مۇمكىندىك تۋعىزادى.
بۇگىنگى تاڭدا «KADEX» كورمەسى 2010 جىلدان باستاپ ءۇش رەت وتكىزىلدى. ونىڭ باستى ناتيجەسى ءارتۇرلى ماقساتتاعى وپتيكالىق-ەلەكتروندىق اسپاپتاردى شىعارۋ بويىنشا بىرلەسكەن كاسىپورىنداردى قۇرۋ, راديولوكاتسيا جانە راديوەلەكتروندىق كۇرەس جۇيەلەرىن شىعارۋ مەن تەحنيكالىق قىزمەت كورسەتۋ, ءۇش كوورديناتالى راديولوكاتسيالىق ستانسالاردى شىعارۋ, سونداي-اق, بروندى كەۋدەشەلەردى شىعارۋ بويىنشا بىرقاتار بىرلەسكەن وندىرىستەر بولدى.
«ەگەمەن-اقپارات».