رەسپۋبليكا كۇنى مەرەكەسىنىڭ قارساڭىندا وبلىس اكىمى عاۋەز نۇرمۇحامبەتوۆتىڭ قاتىسۋىمەن قازاق داستۇرلەرىن كورسەتۋ شاراسى بولدى. بۇل كۇنى قالاداعى بالالار ۇيىندەگى بوبەكتەردىڭ تۇساۋى كەسىلدى دەپ حابارلايدى Egemen.kz.
«اتا-انانىڭ قامقورلىعىنان ەرتە ايرىلىپ قالعان جازىقسىز سابيلەردىڭ كوڭىلدەرىن كوتەرىپ, جارقىن بولاشاققا جولداۋ ءۇشىن وسى ءداستۇردى كورسەتىپ وتىرمىز. تۇساۋ كەسۋشىلەردىڭ قاتارىنا وبلىستىڭ قۇرمەتتى اقساقالدارى مەن قادىرمەندى ادامدارىن تارتىپ وتىرمىز. ولاردىڭ جارقىن ءومىرى بوبەكتەرگە جۇعىستى بولسىن», دەدى اكىم ءوزىنىڭ سوزىندە.
تۇساۋكەسەر راسىمىنەن كەيىن بوبەكتەرگە ويىنشىقتار مەن تاتتىلەر ءۇيىلىپ بەرىلدى. بۇل كۇندى ەسىم ءبىلىپ قالعان سابيلەر ەشقاشان ۇمىتپاس دەگەن سەنىم بار.
پەتروپاۆل