ورتالىق ازياداعى ارىپتەستىك قادامىمىز

«Kia» زاۋىتى الەمنىڭ كوپتەگەن ەلىندە بار. بىراق بۇعان دەيىن ورتالىق ازيادا, ءتىپتى بۇكىل ازيا كولەمىندە ءبىزدىڭ بىردە-ءبىر زاۋىت بولعان ەمەس. بۇگىن قوستانايدا جەرگىلىكتى نارىقتى قامتاماسىز ەتۋ ءۇشىن قازاقستان كولەمىندە ساتىلاتىن, سونداي-اق تمد ەلدەرىنە جانە الىس شەتەلدەرگە دە ەكسپورتقا شىعارىلاتىن زاۋىت اشىپ وتىرمىز.

وسىلايشا, ءبىزدىڭ كورپوراتسيا قوستانايدا ءوز تاريحى­نىڭ جاڭا ءبىر بەلەسىن باستايدى. بىزدە جۇمىسشىلاردى كورەيا­داعى «Kia» زاۋىتتارىنا تاعىلىمداماعا جىبەرۋ ارقىلى جۇزەگە اسىرىلاتىن مامانداردى دامىتۋ جۇيەسى قالىپتاسقان. مۇنداعى جۇمىسشىلار تىكەلەي «Kia» ماماندارىنان تاجىريبە الىپ, جوعارى تەحنولوگيالىق ۇدەرىستەردى مەڭگەرەدى. «Kia» شتاب-پاتەرى ءوز تاراپىنان تاجىريبە الماسۋ جانە قىزمەتكەرلەردىڭ بىلىكتىلىگىن ارتتىرۋ ءۇشىن كوپتەگەن ينجەنەردى قوستانايداعى زاۋىتقا جىبەرىپ وتىرادى.

زاۋىت ىسكە قوسىلىپ, جاپپاي اۆتوكولىك شىعارۋدى باستادى. ەندى قوستاناي وبلىسىنىڭ اكىمدىگى يندۋستريالىق ايماقتا اۆتوكومپونەنت ءوندىرىسىن دامىتاتىن لوكاليزاتسيالىق ورتالىق اشۋعا دايىندالىپ جاتىر. مۇنداي اۋقىمدى جوبادان «Kia» كورپوراتسياسى دا شەت قالمايدى. ءبىز كورەي ەلىنەن كوپتەگەن اۆتوكومپونەنت ءوندىرۋشىنى شاقىرىپ, وسى جەردە ءوز ءوندىرىسىمىزدى اشامىز. بۇل جەردە شىققان ونىمدەر «كia Qazaqstan» زاۋىتىنا جونەلتىلەدى. قاجەتتى وندىرىستىك دەڭگەيگە جەتۋ ماقساتىندا, سونىمەن قاتار قازاقستاندا اۆتوكومپونەنتتەر ءوندىرىسىن قولعا الىپ, لوكاليزاتسيانى دامىتۋ باعىتىندا ەل زاڭناماسىنا سايكەس بارلىق اۆتووندىرۋشىمەن ۇيلەسىمدى ارىپتەستىك قارىم-قاتىناس ورناتۋدى جوسپارلاپ وتىرمىز.

ءبىز ءوندىرىستى «Sorento» مودەلىنەن باستايمىز. ال كەلەسى جىلدىڭ قاڭتار ايىنان باستاپ جاڭا «Sportage» مودەلىن شىعارامىز. 2026 جىلى تاعى ءبىر جاڭا اۆتوكولىك مودەلىن شى­عارۋدى جوسپارلاپ وتىرمىز.

كيم دە كي,

«كia Qazaqstan» زاۋىتىنىڭ باس ديرەكتورى