يۋنەسكو شتاب-پاتەرىندە قازاقتىڭ ۇلى كومپوزيتورى, ديريجەر جانە حالىق قاھارمانى نۇرعيسا تىلەنديەۆتىڭ 100 جىلدىعىنا ارنالعان «شابىت باستاۋى: نۇرعيسا تىلەنديەۆتىڭ مۇراسى» اتتى حالىقارالىق كورمە اشىلدى, دەپ حابارلايدى Egemen.kz.
كورمەگە الماتى قالاسى مۋزەيلەر بىرلەستىگىنىڭ قورىنان 70-كە جۋىق جادىگەر قويىلعان. ەكسپوزيتسياعا كومپوزيتوردىڭ پارتيتۋرالارى, سيرەك كەزدەسەتىن فوتوسۋرەتتەرى, جەكە قولدانعان زاتتارى, سونداي-اق ونىڭ شىعارماشىلىق جولىنداعى ەرەكشە بەلگىگە اينالعان – احمەت جۇبانوۆ سىيعا تارتقان ايگىلى «داريعا دومبىراسى» ەنگىزىلگەن.
شارا قازاق حالقىنىڭ باي مۋزىكالىق مۇراسىن حالىقارالىق دەڭگەيدە ناسيحاتتاۋعا, نۇرعيسا تىلەنديەۆتىڭ ونەردەگى ورنى مەن الەمدىك مۋزىكا مادەنيەتىنە قوسقان ۇلەسىن پاش ەتۋگە باعىتتالعان.
ايتا كەتەيىك, اتالعان كورمە 19 ماۋسىمعا دەيىن جالعاسادى.