قىزىلوردا وبلىسىنداعى ارال قالاسىندا مەرەكە «جاڭا ءومىر, جاڭا جىل, جاڭا كۇنمەن كورىسۋ» اتتى قويىلىم – كونتسەرتتەن باستالدى. حالقىمىزدىڭ كوشپەلى مادەنيەتىن كەڭىنەن دارىپتەگەن كەرۋەن قالانىڭ باستى كوشەسىمەن ءجۇرىپ ءوتىپ, ورتالىق الاڭدا جۇرتشىلىقپەن كورىستى, دەپ حابارلايدى Egemen.kz.
ورتالىقتا تىگىلگەن اقشاڭقان ۇيلەردە ءتۇرلى تاقىرىپقا ساي ءىس-شارالار ۇيىمداستىرىلدى. اۋدان اكىمى امانجول وڭعارباەۆ باستاعان زيالى قاۋىم ەل-جۇرتتى مەرەكەمەن قۇتتىقتادى.
قاز-قاتار تىگىلگەن ۇيلەردە ءبىر مەزەتتە «ناۋرىز – قۇت-بەرەكە باستاۋى» اتتى كەڭ كولەمدى كىتاپ كورمەسىنىڭ تانىستىرىلىمى, ەت, ءسۇت جانە نان ونىمدەرىنىڭ كورمەسى, جىراۋلار شوعىرىنىڭ «كوش كەرۋەنى», «قۇت بولىپ كەل ەلىمە – ءاز ناۋرىزىم!» اتتى تەاترلاندىرىلعان قويىلىم كونتسەرت ۇيىمداستىرىلدى. وسىلارمەن قاتار توعىزقۇمالاق سايىسى, «جاڭا ءومىر, جاڭا جىل, جاڭا كۇنمەن كورىسۋ», «بەرەكە مەن بىرلىكتىڭ باستاۋى» اتتى قويىلىم, حالقىمىزدىڭ ەجەلگى تۇرمىس سالتىنان سىر شەرتەتىن مۇراجاي تانىستىرىلىمى, «كورىسۋ – كوڭىلدىڭ كىلتى» اتتى قويىلىمدار ءوتتى.
ناۋرىزناما ونكۇندىگىنە وراي سان-الۋان تاقىرىپقا نەگىزدەلگەن مادەني ءىس-شارالاردى اۋدانداعى ءتۇرلى مەكەمەلەر مەن دەربەس بولىمدەر وتكىزەدى.