ەلورداداعى تۇرعىن ءۇي كەشەندەرىنىڭ بىرىندە بەلگىسىز ادام ليفتتە بۇزاقىلىق جاسادى. كىنالى ادام تابىلىپ, جاۋاپقا تارتىلدى, دەپ حابارلايدى Egemen.kz استانا اكىمدىگىنىڭ رەسمي سايتىنا سىلتەمە جاساپ.
وقيعا جيرەنتاەۆ كوشەسىندەگى كوپقاباتتى ۇيدە بولعان. بەلگىسىز ادام ليفتكە كىرىپ, ونى تەپكىلەي باستاعان, سونىمەن قاتار كابينانى جۇدىرىقپەن ۇرىپ, تىرناپ, تۇكىرگەن.
الماتى اۋداندىق پوليتسيا باسقارماسىنىڭ پوليتسەيلەرى قىلمىسكەردىڭ جەكە باسىن انىقتادى. ول 33 جاستاعى جەرگىلىكتى تۇرعىن بولىپ شىقتى. ونى ۋاقىتشا ۇستاۋ بولمەسىنە ورنالاستىردى.
وسى ىسكە قاتىستى ۇساق بۇزاقىلىق جاساعانى جانە جالپى پايدالانۋ ورىندارىن لاستاعانى ءۇشىن قر اقبتك 434-بابىنىڭ 1-بولىگى جانە قر اقبتك 434-2-بابىنىڭ 1-بولىگى بويىنشا اكىمشىلىك ءىس قوزعالدى.
ايتا كەتەيىك, ەلوردادا ءۆانداليزمنىڭ كەز كەلگەن كورىنىستەرىمەن بەلسەندى كۇرەس جۇرگىزىلىپ جاتىر.
2023 جىلدىڭ باسىنان بەرى ەلوردا پوليتسياسىنىڭ قىزمەتكەرلەرى ءۆانداليزمنىڭ جۇزدەن استام فاكتىسىن انىقتادى. قالا بويىنشا كۇندەلىكتى ءپاترۋلدى ەكى مىڭنان استام پوليتسيا قىزمەتكەرى جۇزەگە اسىرادى.
ەسكە سالايىق, ەلوردادا ەرىكتىلەر, بەلسەندىلەر, تانىمال سپورتشىلار, پىكىر كوشباسشىلارى, قالا تۇرعىندارى قولداعان «توقتا, ۆاندال» اكتسياسى جالعاسىن تاۋىپ جاتىر. اكتسيا اياسىندا قالادا كۇندىزگى جانە تۇنگى رەيدتەر وتكىزىلەدى, حالىق اراسىندا قوعامدىق ءتارتىپتى ساقتاۋ قاجەتتىلىگى تۋرالى ءتۇسىندىرۋ جۇمىستارى جۇرگىزىلەدى.