كەشە پرەمەر-ءمينيستردىڭ ءبىرىنشى ورىنباسارى باقىتجان ساعىنتاەۆ سوچيدە ەۋرازيالىق ەكونوميكالىق كوميسسيا كەڭەسىنىڭ كەزەكتى وتىرىسىنا قاتىستى, دەپ حابارلادى پرەمەر-ءمينيستردىڭ ءباسپاسوز قىزمەتى.
كۇن تارتىبىندە ەۋرازيالىق ينتەگراتسيانى ودان ءارى دامىتۋدىڭ نەعۇرلىم كوكەيكەستى ماسەلەلەرى قارالدى. اتاپ ايتقاندا, ارمەنيا رەسپۋبليكاسىنىڭ ەۋرازيالىق ەكونوميكالىق وداق تۋرالى شارتقا قوسىلۋى جونىندەگى شارتتىڭ جوباسى, قىرعىز رەسپۋبليكاسىنىڭ ەۋرازيالىق ينتەگراتسيالىق جوباعا قوسىلۋى بويىنشا ودان ارعى جۇمىستارىنىڭ بارىسى, سونداي-اق, ۇستىمىزدەگى جىلعى مامىردا قول قويىلعان ەۋرازيالىق ەكونوميكالىق وداق (ەاەو) تۋرالى شارتتى جۇزەگە اسىرۋ جونىندەگى ودان ارعى جۇمىستار تالقىلاندى.
قابىلدانعان شەشىمدەر ينتەگراتسيالىق بىرلەستىكتەردىڭ اشىقتىعىن كەزەكتى رەت راستاپ بەردى.
ونىڭ سىرتىندا, كەڭەس وتىرىسىندا ەاەو تۋرالى شارتتىڭ ەرەجەلەرىن جۇزەگە اسىرۋعا باعىتتالعان اكتىلەردى ازىرلەۋ بويىنشا بىرلەسكەن قىزمەتتىڭ شەشۋشى اسپەكتىلەرى, كەدەن وداعى شەڭبەرىندە مدپ كونۆەنتسياسىن قولدانۋ, سونداي-اق, استانا قالاسىنداعى ەكسپو-2017 جوباسىن جۇزەگە اسىرۋ ماسەلەلەرى تالقىلاندى.
بۇتىندەي العاندا, كەڭەس مۇشەلەرىنىڭ پىكىرلەرىنشە, قابىلدانعان شەشىمدەر ەلدەردىڭ ينتەگراتسيالىق بىرلەستىكتەگى ءوزارا ءىس-قيمىلدارىنىڭ الەۋەتىن ودان ءارى ءتيىمدى جۇزەگە اسىرۋعا باعىتتالعان.