سوتتالعانداردى تۇزەۋ مىندەت

– دەيدى ورال قالالىق قىلمىستىق اتقارۋ ينسپەكتسياسىنىڭ اعا ينسپەكتورى مەرەكە باتىرقايىروۆا سوتتالعاننىڭ دا قۇقى بار. ەگەر ول ورىندالمايتىن بولسا, وندا زاڭىمىزعا, قوعامىمىزعا ۇلكەن سىن. الايدا, قىلمىستىڭ دا قىلمىسى, قىلمىسكەردىڭ دە قىلمىسكەرى بار. مۇلدەم تۇزەتۋدەن نەمەسە تۇزەتىلۋدەن كەتكەندەردىڭ  بەتىن بەرى قاراتۋ وڭايعا تيە قويماس. ال قوعامنان الاستاتىلماي سوتتالعانداردان تۇڭىلە بەرۋدىڭ دە ەش رەتى جوق. بۇگىندە ولارعا الەۋمەتتىك-قۇقىقتىق كومەك كورسەتۋ ءىسى ايرىقشا مانگە يە. ءبىز وسىنداي ىزگى باعىتتى ۇستانىپ كەلەمىز, دەدى «ەگەمەن قازاقستاننىڭ» وبلىستاعى ءتىلشى قوسىنىنا ارنايى كەلگەن ورال قالالىق قىلمىستىق اتقارۋ ينسپەكتسياسىنىڭ اعا ينسپەكتورى مەرەكە باتىرقايىروۆا. جاقىندا اقتاۋ قالاسىندا وسى ماسەلەنىڭ ءمان - جايى مەن بۇگە - شىگەسىن ءتۇسىندىرۋ ماقساتىندا باتىس وڭىرلىك سەمينار وتكىزىلدى. وندا قىلمىستىق اتقارۋ جۇيەسى كودەكسىنە ەنگىزىلەتىن وزگەرىستەر مەن تولىقتىرۋلارعا قاتىستى ءتيىستى ۇسىنىستار ەنگىزۋ قاجەتتىلىگى ايتىلعان. اتالعان زاڭ الداعى 2015 جىلدىڭ 1 قاڭتارىندا كۇشىنە ەنبەك. ونىڭ التى جۇزدەن استام بابىنا وزگەرىستەر مەن تولىقتىرۋلار جاسالماق. سەميناردىڭ باستى ماقساتى – پروباتسيا قىزمەتىن تەرەڭدەتۋدەن تۋىندايتىن مىندەتتەرگە ارنالعان. ءبىز ءوز تاراپىمىزدان بۇل وتە ورىندى ماسەلە ەكەنىن, ءارى سوتتالعاندار دا قوعامىمىزدىڭ ءبىر مۇشەسى  بولاتىنىن ايتىپ, جۇيەدەگى جاڭا وزگەرىستەرگە تىلەكشى ەكەنىمىزدى جەتكىزدىك. ءبىر سوزبەن ايتقاندا, پروباتسيا قىزمەتى دەگەنىمىز – سوتتالعاندارعا كەشەندى الەۋمەتتىك - قۇقىقتىق كومەك كورسەتۋ. مۇنداي وزگەرىستەر ءبىزدىڭ قوعامىمىزدىڭ ىزگىلىك سيپاتىن تەرەڭدەتە تۇسەدى. سونداي-اق, مۇنداي قادامدار قىلمىستىق اتقارۋ جۇيەسىندە قىزمەت جاساپ جۇرگەن ءبارىمىزدىڭ كوكەيىمىزدە جۇرگەن ويدى دا ءدوپ باسادى. ءبىز ونى جۇرگىزۋگە تولىق مۇددەلىمىز. پروباتسيا قىزمەتىنىڭ ءتيىمدى بولاتىنىنا كۇمان كەلتىرە المايمىز. مۇنىڭ باستى شەشىمى – سوتتالعانداردى ءتيىستى قىزمەتپەن قامتۋ, – دەدى ودان ءارى م.باتىرقايىروۆا. ونىڭ مالىمدەۋىنشە,  ءتۇسىندىرۋ سەمينارىندا بۇل ماسەلەگە بايلانىستى سان الۋان ۇسىنىس, پىكىرلەر ايتىلعان. قىلمىستىق اتقارۋ جۇيەسى قىزمەتكەرلەرىنىڭ اقتاۋداعى باسقوسۋىندا باتىس وڭىردەگى قۇرىلىمدار قىزمەتىنە سالىستىرمالى تۇردە باعا بەرىلىپ, وعان قاتىسۋشىلار وزدەرىندە بار تاجىريبەلەردى ارىپتەستەرىمەن ءبولىسىپتى. ال پروباتسيا قىزمەتىنە قاتىستى ايتىلعان ۇسىنىس, پىكىرلەر قىلمىستىق اتقارۋ جۇيەسى كوميتەتى باسشىلىعىنىڭ نازارىنا ۇسىنىلدى. «تەمىر قۇسايىن, «ەگەمەن قازاقستان». ورال.