اقپاراتتار اعىنى

● 2015 جىلى ازاماتتىق قىزمەتشىلەرگە جاڭا جۇيە بويىنشا ەڭبەكاقى تولەۋ­گە قوسىمشا 139,5 ملرد. تەڭ­گە قاجەت. كەلەسى جىلدىڭ ءشىل­دە­سىنەن ەنگىزىلەتىن ازاماتتىق قىزمەتشىلەرگە ەڭبەكاقى ءتو­لەۋ جۇيەسىنىڭ جاڭا ۇلگىسى وسى­نى تالاپ ەتەدى. بۇل تۋرالى پارلامەنت ءماجىلىسىنىڭ وتى­رىسىندا ەڭبەك جانە حا­لىقتى الەۋمەتتىك قورعاۋ مي­نيس­ترلىگىنىڭ جاۋاپتى حاتشى­سى ايدا قۇرمانعاليەۆا مالىمدەدى. ● قازاقستان ەكسپو-2017 كورمەسىنە 283 ملن. ەۋرو جۇم­سايدى. وسىنى جەتكىزگەن «اس­تانا ەكسپو-2017» ۇك» اق باسقارما توراعاسى تالعات ەر­مەگياەۆ وپەراتسيالىق شىعىن­دارعا جۇمسالعالى وتىر­عان بۇل قارجىنىڭ تولىق قاي­تا­رىلاتىنىن اتاپ ءوتتى. ● استانادا «قولجەتىمدى باسپانا-2020» باعدارلاماسى بويىنشا كەزەككە تۇرعاندار 5424 ادامعا جەتتى. استانا قا­لا­لىق اكىمدىگىنىڭ ءباسپاسوز قىز­مەتى ­حابارلاعانداي, بۇل 2-14 ماۋسىم ارالىعىندا وتكەن رەسمي قۇجات قابىلداۋ قورى­تىن­دىسىندا بەلگىلى بولدى. ● الماتىدا ەكى جاڭا مەت­روس­تانسانىڭ نەگىزگى جۇمىس­تارى اتقارىلىپ بولدى. «سايران» جانە «ءماس­كەۋ» دەپ اتالاتىن بۇل جەراس­تى بەكەتتەرىندەگى نەگىزگى تەمىر-بە­تون­دىق قۇرىلىستارىن سالۋ جۇ­مىستارى تولىق اياقتالىپ, ەندى ولارداعى قازانشۇڭقىرلاردىڭ بەتىن قايتا كومۋ جۇمىستارى باستالدى. ● پەتروپاۆلدا ستۋدەنتتەر نازارباەۆ زياتكەرلىك مەكتەبىن سالۋعا كومەكتەسەدى. م.قوزىباەۆ اتىنداعى سول­تۇستىك قازاقستان مەملەكەتتىك ۋني­ۆەرسيتەتى مەن پەتروپاۆل كوللەدجدەرىنىڭ 100 ستۋدەنتى حيميا-بيولوگيا باعىتىنداعى ءبىلىم ورداسىنىڭ  قۇرىلىسىنا بەلسەنە قاتىسادى. ول 720 ورىن­عا, ال جاتىن كورپۋسى 210 كە­رەۋەتكە ەسەپتەلگەن. قۇرىلىس مەرزىمى تىعىز – نىسان جاڭا وقۋ جىلىنىڭ باستالۋىنا پاي­دالانۋعا بەرىلۋى ءتيىس. ● وسكەمەندە رەسەي مەن قازاقستاننىڭ حالىقارالىق «كوكسەركە كۇنى» فەستيۆالى وتەدى. بيىل 11-ءشى رەت قانات جايعالى وتىرعان شاراعا  «رەسەي مادەنيەت قىزمەتكەرلەرى شى­عار­ماشىلىق وداعى» قوعام­دىق بىرلەستىگىنىڭ التاي ولكەلىك بولىمشەسى باستاماشى بولدى. مەرەكە ەۋرازيا كەڭىستىگىندەگى ەجەلگى ساۋدا جولدارىنىڭ ءداس­تۇرلەرىن جاڭعىرتىپ, ەكى ەلدىڭ تاتۋ كورشىلىك قاتىناستارىن نىعايتا تۇسپەك. ● وڭتۇستىك قازاقستانداعى ماشات شاتقالىندا «وتى­رار» دەمالىس لاگەرى اشىل­دى. بۇرىن جەكەنىڭ مەنشى­گىندە بولعان تۇلكىباس اۋدا­نىن­داعى بۇل نى ساندى وتىرار اۋدانىنىڭ اكىمدىگى كوم­مۋ­نالدىق مەنشىككە الىپ, ءجون­دەۋدەن وتكىزگەن. سول لاگەر كەشە العاشقى 140 بالانى قابىلدادى. «قازاقپارات», kaztrk.kz, 24 KZ, اltaynews.kz, Egemen.kz اگەنتتىكتەرى, استانا قالاسى مەن وڭتۇستىك قازاقستان وبلىستىق اكىمدىكتەرى سايتتارىنىڭ دەرەكتەرى بويىنشا دايىندالدى.