قاراعاندىداعى لەنين اتىنداعى شاحتادا ورىن العان اپاتتان كەيىن شاحتينسك ورتالىق اۋرۋحاناسىنا ءتورت ادام جەتكىزىلدى, دەپ حابارلايدى Egemen.kz.
قاراعاندى وبلىسىنىڭ دەنساۋلىق ساقتاۋ باسقارماسىنىڭ حابارلاۋىنشا, الدىن الا دياگنوز - مەتانمەن ۋلانۋ.
زارداپ شەككەندەردىڭ ەكەۋى ح.ج.ماقاجانوۆ اتىنداعى كوپسالالى اۋرۋحانانىڭ توكسيكولوگيالىق بولىمشەسىنە اۋىستىرىلدى. ۋلانۋدان باسقا ءارتۇرلى دارەجەدەگى جاراقات العان تاعى ەكى ادام شاحتينسكتە ورنالاسقان.
ەسكە سالا كەتسەك, بۇگىن قاراعاندى وبلىسىنداعى شاحتادا گاز جارىلىپ, ءتورت ادام قازا تاپتى. پوليتسيا «تاۋ-كەن نەمەسە قۇرىلىس جۇمىستارىن جۇرگىزۋ كەزىندە قاۋىپسىزدىك ەرەجەلەرىن بۇزۋ» بابى بويىنشا تەرگەۋ جۇمىستارىن باستادى.