جاستار قاناتىنىڭ جۇمىسى جاندانا باستادى

مەملەكەت باسشىسى قاسىم-جومارت توقاەۆ Amanat پارتياسىنىڭ توراعاسى رەتىندە وكىلەتتىگىن توقتاتىپ, پارتيادان شىعۋ تۋرالى شەشىمىن حابارلادى. وسى ورايدا, پرەزيدەنتتىڭ ۇسىنىسى بويىنشا پارتيا توراعاسى بولىپ ءبىراۋىزدان ءماجىلىس توراعاسى ەرلان قوشانوۆ سايلاندى. پرەزيدەنتتىڭ بۇل قادامى جولداۋدا ايتىلعان ساياسي رەفورمالاردى جۇزەگە اسىرۋدىڭ باستالعاندىعىنىڭ ايقىن كورىنىسى. سونىمەن قاتار قاسىم-جومارت كەمەل ۇلى Amanat پارتياسى ەلىمىزدىڭ ساياسي ومىرىندە ەرەكشە ورىن الاتىن ۇيىم بولىپ قالا بەرەتىنىن جانە ونىڭ ستراتەگيالىق باعىتى وزگەرمەيتىنىن اتاپ ءوتتى. بۇل جاستار قاناتىنا دا بايلانىستى ۇعىم.

مەملەكەت باسشىسى ق.توقاەۆتىڭ تاپسىرمالارىن نەگىزگە الا وتىرىپ, بۇگىندە جاستار قاناتىن جانداندىرۋ بويىنشا جۇمىس باستالىپ كەتتى. ءبىز جاس بۋىن اراسىنداعى وزەكتى ماسەلەلەردى شەشۋ ءۇشىن جاڭا باعىتتاردى بەلگىلەپ, Orleu, Qaisar, TazaLike سەكىلدى پارتيالىق جوبالاردى ىسكە اسىرۋعا كۇش سالىپ جاتىرمىز. تازاLike پارتيالىق جوباسى ەكولوگيالىق مادەنيەت پەن ويلاۋدى, ءومىر سالتىن قالىپتاستىرۋدى كوزدەسە, Qaisar اسكەري-پاتريوتتىق جوباسى پات­ريوتيزمگە, جوعارى مورالدىق-پسيحولو­گيالىق قاسيەتتەرگە تاربيەلەۋگە جانە اسكەري قىزمەتتەن جالتارۋدى جويۋعا باعىت­تالعان. ال Orleu – اۋىل جاستارى ءۇشىن الەۋ­مەتتىك ليفت. اۋىل جاستارىنىڭ الەۋە­تىن تولىققاندى اشۋدى قامتاماسىز ەتۋ جانە ءومىر ءسۇرۋ ساپاسىن ارتتىرۋ ءۇشىن جاعداي جاساۋ ماقساتىندا جۇزەگە اساتىن بولادى.

ايتا كەتەتىن تاعى ءبىر ماڭىزدى جايت – الداعى ۋاقىتتا جاستار قاناتىنىڭ سەزىن وتكىزۋ ويدا بار. سەزد بارىسىندا ۇيىمعا جاڭا اتاۋ بەرۋ قاراستىرىلىپ, تولىقتاي رەبرەندينگ جاسالادى. سونىمەن قاتار ەلىمىزدىڭ تۇكپىر-تۇكپىرىنەن جينالاتىن ۇيىم مۇشەلەرى قاتىساتىن بۇل شارادا جاستارعا ارنالعان جاڭا باعدارلاما قابىلدانىپ, ورتالىق كەڭەس مۇشەلەرى جاڭارتىلماق.

نۇرجان جەتپىسباەۆ,

Amanat پارتياسى جاستار قاناتىنىڭ توراعاسى