مەملەكەت باسشىسىنىڭ توراعالىعىمەن وتكەن كەزەكتى وتىرىس بارىسىندا حالىقارالىق كۇن ءتارتىبىنىڭ وزەكتى ماسەلەلەرى, اتاپ ايتقاندا, ۋكرايناداعى احۋال تالقىلاندى. بۇعان قوسا, وسى وقيعالاردىڭ ەلىمىزدىڭ ەكونوميكالىق دامۋىنا ىقپال ەتۋىنە قاتىستى ماسەلەلەر قارالدى.
تالقىلاۋ قورىتىندىسىندا قازاقستان پرەزيدەنتى ۋكراينا توڭىرەگىندەگى وقيعالار اۋانىندا الەمدىك ساياسات پەن ەكونوميكادا قالىپتاسىپ وتىرعان فاكتورلار مەن ۇردىستەردى پراكتيكالىق جۇمىس بارىسىندا ەسكەرۋ قاجەتتىگىنە نازار اۋداردى.
سونىمەن قاتار, مەملەكەت باسشىسى ەكونوميكا ءوسىمىن جانە ەلىمىزدى دامىتۋدىڭ بەلگىلەنگەن جوسپارلارىنىڭ ورىندالۋىن ودان ءارى قامتاماسىز ەتۋگە باعىتتالعان شەشىمدەر قابىلداۋدىڭ ماڭىزدىلىعىن اتاپ ءوتتى.