ۇلتتىق قاۋىپسىزدىك كوميتەتى شەكارا قىزمەتىنىڭ ەكونوميكا جانە قارجى جونىندەگى ديرەكتورىنىڭ ورىنباسارى سەرىك اشىمباەۆ لاۋازىمدى قىزمەتىن اسىرا پايدالانعانى ءۇشىن قاماۋعا الىندى.
وعان قىلمىستىق كودەكستىڭ 380-بابىنا سايكەس «بيلىكتى نەمەسە قىزمەتتىك وكىلەتتىكتى اسىرا پايدالانۋ نەمەسە بيلىكتىڭ ارەكەتسىزدىگى» بويىنشا ايىپ تاعىلدى. اسكەري سوتتىڭ ءباسپاسوز قىزمەتى حابارلاعانداي, شەكارا قىزمەتى ديرەكتورىنىڭ ورىنباسارىن ۇقك قىزمەتكەرلەرى قۇرىقتاعان. بۇدان بۇرىن باس اسكەري پروكۋرور ەرعالي مەرزادينوۆ س.اشىمباەۆقا مەملەكەت قارجىسىنان 300 ملن. تەڭگە جىمقىردى دەگەن كۇدىك كەلتىرىلىپ وتىرعانىن ءمالىمدەگەن بولاتىن.
س.اشىمباەۆتىڭ ۇستىنەن قوزعالعان قىلمىستىق ءىس بويىنشا تەرگەۋ امالدارىن باس اسكەري پروكۋراتۋرانىڭ ارنايى پروكۋرورى جۇرگىزەتىنى بەلگىلى بولدى.