قازاقستاندا جىل باسىنان بەرى ادام ساۋداسىنا قاتىستى 200 قىلمىستىق ءىس تىركەلدى, دەپ جازادى Egemen.kz.
ءىىم تەرگەۋ دەپارتامەنتىنىڭ باستىعى سانجار ءادىلوۆتىڭ ايتۋىنشا, قازىردىڭ وزىندە 78 ءىس سوتقا جىبەرىلىپ قالعانى تەرگەۋدە. ودان بولەك 26 ادام سوتتالىپ, ۇكىم شىعارىلعان.
«بۇل قىلمىستار ءۇشىن قىلمىستىق كودەكستىڭ سەگىز بابى بويىنشا جاۋاپكەرشىلىك قاراستىرىلعان. 18 جىلعا دەيىن باس بوستاندىعىنان ايىرۋ جانە مۇلكىن تاركىلەۋ كوزدەلەدى», دەدى دەپارتامەنت باسشىسى وكق بريفينگىندە.
ونىڭ ايتۋىنشا, ادام ساۋداسىنىڭ شەتەلدىك قۇرباندارى سوت شەشىمى شىققانعا دەيىن ەلدە بولادى.
«سونىمەن قاتار بۇل ادامدار اكىمشىلىك جاۋاپكەرشىلىكتەن بوساتىلادى. بۇل ەڭبەككە نەمەسە جىنىستىق قاناۋعا ۇشىراعان ميگرانتتار ءۇشىن قولايلى جاعداي جاساۋعا مۇمكىندىك بەرەدى», دەپ قوستى سپيكەر.