ن.پوگودين اتىنداعى ورىس دراما تەاترىندا وبلىس اكتيۆىنىڭ قاتىسۋىمەن قازاقستان پرەزيدەنتى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن تالقىلاۋعا ارنالعان كەلەلى جيىن ءوتتى. وندا ايماق باسشىسى سامات ەسكەندىروۆ ۇزاق مەرزىمگە باعدارلانعان ستراتەگيالىق باسىمدىقتاردى بەلگىلەپ بەرگەن تاريحي قۇجاتتان تۋىندايتىن مىندەتتەر جايلى بايانداما جاسادى.
ن.پوگودين اتىنداعى ورىس دراما تەاترىندا وبلىس اكتيۆىنىڭ قاتىسۋىمەن قازاقستان پرەزيدەنتى نۇرسۇلتان نازارباەۆتىڭ «قازاقستان جولى – 2050: ءبىر ماقسات, ءبىر مۇددە, ءبىر بولاشاق» اتتى جولداۋىن تالقىلاۋعا ارنالعان كەلەلى جيىن ءوتتى. وندا ايماق باسشىسى سامات ەسكەندىروۆ ۇزاق مەرزىمگە باعدارلانعان ستراتەگيالىق باسىمدىقتاردى بەلگىلەپ بەرگەن تاريحي قۇجاتتان تۋىندايتىن مىندەتتەر جايلى بايانداما جاسادى.
– بارشا قازاقستاندىقتار قوعامدىق-ساياسي ماڭىزى زور وقيعانىڭ كۋاگەرى بولىپ وتىر. ەلباسى حالىققا ءداستۇرلى جولداۋىن جاريالاپ, «قازاقستان-2050» ستراتەگياسىن جۇزەگە اسىرۋدىڭ باستى قاعيداتتارىن بەلگىلەپ بەردى. الدىمىزدا عاسىر ورتاسىنا تامان ەكونوميكالىق-الەۋمەتتىك قۋاتتىلىعى مىقتى 30 ەلدىڭ ساناتىنا قوسىلۋ سەكىلدى ۇلى ماقسات تۇر. ەلدىگىمىز بەن بىرلىگىمىز, ەرلىگىمىز بەن ەڭبەگىمىز سىنالاتىن كەزەڭگە نۇرسۇلتان ءابىش ۇلى «ماڭگىلىك قازاقستان» جوباسى, ەل تاريحىنداعى ءبىز اياق باساتىن جاڭا ءداۋىردىڭ كەمەل كەلبەتى» دەگەن سيپاتتاما بەردى. ەلباسى دامىعان 30 ەلدىڭ قاتارىنا كىرۋ جوسپارىن ۇسىنا وتىرىپ, قازاقستاننىڭ 15-17 جىل ىشىندەگى اۋقىمدى سەرپىلىس مۇمكىندىكتەرىن ايقىنداپ بەردى.
يننوۆاتسيالىق-يندۋستريالىق ترەندىن تۇزەۋ جانە كۇشەيتە ءتۇسۋ, اگروونەركاسىپ كەشەنىن يننوۆاتسيالىق باعىتقا ءتۇسىرۋ, عىلىمنىڭ الەۋەتىن ارتتىرۋ, ينفراقۇرىلىمدىق ءۇشتاعان – اگلومەراتسيا, كولىك, ەنەرگەتيكانىڭ قارقىندى دامۋىن قامتاماسىز ەتۋ, شاعىن جانە ورتا بيزنەستى وركەندەتۋ, قازاقستاندىقتاردىڭ الەۋەتىن اشاتىن جاڭا مۇمكىندىكتەر جاساۋ, مەملەكەتتىك ينستيتۋتتار جۇمىسىن جەتىلدىرۋ سالالارى بويىنشا تىڭ تالاپتار قويىلدى, دەي كەلىپ, سامات ساپاربەك ۇلى پرەزيدەنت بەلگىلەپ بەرگەن قازاقستاننىڭ الەمدەگى ەڭ قۋاتتى ەلدەردىڭ قاتارىنا كىرۋ تۇجىرىمداماسىنىڭ ۇزاق مەرزىمدى باسىمدىقتارىنا جان-جاقتى توقتالدى. ءبىرىنشى بەسجىلدىقتا يننوۆاتسيالىق يندۋستريالاندىرۋ سالاسى بويىنشا جوبالاردىڭ جۇزەگە اسقانىن, ولاردىڭ ءىشىندە جۇك ۆاگونى, گاز-مۇناي, تەمىرجول سالالارىنا ايرىقشا باسىمدىق بەرىلگەنىن اتاپ ءوتتى. يندۋستريالاندىرۋ كارتاسى اياسىندا 41,5 ميلليارد تەڭگەنىڭ 30 جوباسىن ىسكە قوسىپ, 2 مىڭ جاڭا جۇمىس ورىندارىن اشۋ كوزدەلسە, بۇگىندە 26 ميلليارد تەڭگەنىڭ 26 جوباسى پايدالانۋعا بەرىلىپ, 800 ادام جۇمىسقا ورنالاسقان. ناتيجەسىندە ەكونوميكاعا 77 ميلليارد تەڭگەدەي ينۆەستيتسيا قۇيىلعان. ينۆەستورلارعا قىزمەت كورسەتۋ ورتالىعى قۇرىلعالى جەكە ينۆەستيتسيالاردى تارتۋ ءوسىمى بايقالادى.
ودان ءارى ەلباسى اگروونەركاسىپ كەشەنىن يننوۆاتسيالىق باعىتقا ءتۇسىرۋ جونىندە ناقتى تاپسىرما بەرگەنىن, سوعان وراي الدا اتقارىلاتىن شارالاردى تىلگە تيەك ەتتى. بايانداماشى عىلىمي قامتىمدى ەكونوميكا قۇرۋ تاپسىرماسىنا سايكەس ءتيىستى ورىندارعا شەتەلدەردەن اكەلىنەتىن ينۆەستيتسيانىڭ بارلىق ءمۇمكىندىكتەرىن قاراستىرۋدى تاپسىردى. شىنى كەرەك, بۇل سالاداعى كورسەتكىش مۇلدەم تومەن. بارلىق قارجىلاندىرۋدىڭ 0,1 پايىزىن عانا قۇرايدى.
وبلىس اكىمىنىڭ ەندىگى ءبىر توقتالعانى ەكونوميكاداعى شاعىن جانە ورتا بيزنەستىڭ ۇلەسىن ارتتىرۋ جايى بولدى. بۇدان بىلاي ءتۇرلى اكىمشىلىك كەدەرگىلەرگە توسقاۋىل قويىلاتىنىن, كاسىپكەرلىك وتباسى داستۇرىنە اينالاتىنىن, اۋىلدىقتاردىڭ جەكە شارۋامەن اينالىسۋىنا باسىمدىق بەرىلەتىنىن جەتكىزدى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.