اقتوبە وڭىرىندە بيىل قار الدىڭعى جىلدارعا قاراعاندا اناعۇرلىم كوپ ءتۇستى. قالا كوشەلەرىن قاردان تازارتۋ ماقساتىندا 22 جۇمىس توبى مەن 200-دەن استام ارنايى تەحنيكا جۇمىلدىرىلعان. دەرەك كوزدەرىنەن بەلگىلى بولعانداي, قىس باستالعالى بەرى پوليگونعا 45 مىڭ توننا قار شىعارىلىپتى.
اقتوبە وڭىرىندە بيىل قار الدىڭعى جىلدارعا قاراعاندا اناعۇرلىم كوپ ءتۇستى. قالا كوشەلەرىن قاردان تازارتۋ ماقساتىندا 22 جۇمىس توبى مەن 200-دەن استام ارنايى تەحنيكا جۇمىلدىرىلعان. دەرەك كوزدەرىنەن بەلگىلى بولعانداي, قىس باستالعالى بەرى پوليگونعا 45 مىڭ توننا قار شىعارىلىپتى.
– بىلتىر وسى كەزەڭمەن سالىستىرعاندا 10 مىڭ توننا قار شىعارعان ەدىك. بيىل قار كوپ ءتۇستى. قازىر كۇندىز-ءتۇنى قارقىندى تۇردە قاردان تازارتۋ جۇمىستارى جۇرگىزىلۋدە. جۇمىستىڭ باستاپقى كەزەڭىندە سەلولىق وكرۋگتەردىڭ اۋماعىنداعى قاردى ارشۋ قيىندىق تيگىزدى. سەبەبى, بوراننىڭ سالدارىنان, تازارتىلعان جولداردى ءالسىن-ءالسىن قار باسىپ قالۋدا. قازىر جۇمىس قالىپقا كەلدى. قوعامدىق كولىكتەردىڭ دە, مەكتەپ اۆتوبۋستارىنىڭ دا جۇرۋىنە قولايلى جاعداي جاسالدى, – دەيدى اقتوبە قالالىق تۇرعىن ءۇي-كوممۋنالدىق شارۋاشىلىق, جولاۋشى كولىگى جانە اۆتوموبيل جولدارى ءبولىمى باسشىسىنىڭ ورىنباسارى قۋاندىق قاسىموۆ.
قىس مەزگىلىندە قالاداعى كولىك جولدارىن كۇتىپ-ۇستاۋ ءۇشىن بيۋدجەتتەن 480 ميلليون تەڭگەگە جۋىق قارجى بولىنگەن. جالپى, جولداردى كۇتىپ-ۇستاۋ 9 اۋماق بويىنشا جۇرگىزىلۋدە. وسى كەزگە دەيىن كولەمى 3 ملن. شارشى مەتر اۋماق قاردان تازارتىلعان. ياعني 150 كوشەدە كولىك قوزعالىسىنا جانە جاياۋ ادامداردىڭ ءجۇرىپ-تۇرۋىنا قولايلى جاعداي تۋعىزىلدى دەگەن ءسوز. قاردان ارشۋ جۇمىستارىمەن 7 مەردىگەر مەكەمە اينالىسۋدا. ال 10 مەردىگەر مەكەمە جاياۋ جۇرگىنشىلەر جولدارىن تازارتادى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.