مەن جامبىل وبلىسى جامبىل اۋدانىندا ورنالاسقان يۋري گاگارين اتىنداعى ورتا مەكتەبىندە وقيمىن.
جاڭادان سالىنعان وسى مەكتەبىمىزدە وقۋشىلاردى وقىتۋعا تولىق مۇمكىندىك بار. ول 700 ورىنعا نەگىزدەلگەن, 4 كومپيۋتەرلىك, ينتەرنەتكە قوسىلعان كابينەتتەر جۇمىس ىستەيدى. ءبىلىم بەرۋ ۇدەرىسى ساباقتىڭ جاڭا تۇرلەرى مەن ادىستەرىن مەڭگەرۋگە, وقۋشىلاردىڭ ءبىلىمىن ودان ءارى جەتىلدىرۋگە باعىتتالعان. مەكتەبىمىز وبلىس بويىنشا الدىڭعى ورىندا تۇرعان مەكتەپ. وعان دالەل, اعىمداعى وقۋ جىلىندا حالىقارالىق, رەسپۋبليكالىق وليمپيادالار مەن عىلىمي جارىستارعا مەكتەبىمىزدەن 24 وقۋشى قاتىسىپ, 38 مەدالعا يە بولدى.
مەن جامبىل وبلىسى جامبىل اۋدانىندا ورنالاسقان يۋري گاگارين اتىنداعى ورتا مەكتەبىندە وقيمىن.
جاڭادان سالىنعان وسى مەكتەبىمىزدە وقۋشىلاردى وقىتۋعا تولىق مۇمكىندىك بار. ول 700 ورىنعا نەگىزدەلگەن, 4 كومپيۋتەرلىك, ينتەرنەتكە قوسىلعان كابينەتتەر جۇمىس ىستەيدى. ءبىلىم بەرۋ ۇدەرىسى ساباقتىڭ جاڭا تۇرلەرى مەن ادىستەرىن مەڭگەرۋگە, وقۋشىلاردىڭ ءبىلىمىن ودان ءارى جەتىلدىرۋگە باعىتتالعان. مەكتەبىمىز وبلىس بويىنشا الدىڭعى ورىندا تۇرعان مەكتەپ. وعان دالەل, اعىمداعى وقۋ جىلىندا حالىقارالىق, رەسپۋبليكالىق وليمپيادالار مەن عىلىمي جارىستارعا مەكتەبىمىزدەن 24 وقۋشى قاتىسىپ, 38 مەدالعا يە بولدى.
ءبىلىمنىڭ دامۋى – بۇل قوعامنىڭ العا جىلجۋى, ادامزات وركەنيەتىنىڭ ونەگەلى ولشەمى. سوندىقتان ءححى عاسىردا كەز كەلگەن ەلدىڭ كوزىنە قاراق, كوكىرەگىنە شىراق بولاتىن دا, قورجىنىن قامپايتىپ, قالتاسىن تومپايتاتىن دا – ءبىلىم. ال ءبىلىمنىڭ قاينار كوزى – مەكتەپ.
مىنە, ءبىزدىڭ يۋري گاگارين مەكتەبى سوڭعى جىلداردىڭ وزىندە اۋىز تولتىرىپ ايتاتىن جەتىستىكتەرى, ماقتان تۇتاتىن وقۋشىلارى, بەتكە ۇستار ۇستازدارى بار ىرگەلى مەكتەپ بولىپ قالىپتاسىپ وتىر.
ارينە, وسىنىڭ بارلىعى ۇستازدار ەڭبەگىنىڭ ارقاسى. مەكتەپتە 43 ۇستاز وقۋشىلارعا ساپالى ءبىلىم, سانالى تاربيە بەرۋدە. ولاردى ءبىر ماقسات جولىندا جۇدىرىقتاي جۇمىلدىرا بىلگەن مەكتەپ ديرەكتورى سالتانات راحمەتحانقىزى جىگىتەكوۆانىڭ ۇيىمداستىرۋشىلىق قىرى جەكە ءبىر اڭگىمە.
سونىمەن قاتار, ۇستازىمىز ءدىلدايىم الىمجانقىزى تاناەۆانىڭ ەڭبەگىن ەرەكشە اتاپ وتەر ەدىم. سەبەبى, ول كىسى وتە ەڭبەكقور, جانى جايساڭ, ءومىرىن وقۋشىلارى ءۇشىن سارپ ەتكەن جان. ءوزىم وسى ماقالام ارقىلى مەكتەبىمىزدەگى بارشا ۇستازدارىما جانە بىزگە جاڭا مەكتەپ سالىپ بەرىپ, ءبىلىم الۋىمىزعا جاعداي تۋعىزىپ وتىرعان مەملەكەت باسشىلىعىنا العىسىمدى بىلدىرگىم كەلەدى.
اقگۇل ايداربەكوۆا,
يۋري گاگارين اتىنداعى ورتا مەكتەپتىڭ
10-سىنىپ وقۋشىسى.
جامبىل وبلىسى,
جامبىل اۋدانى,
اسا اۋىلى.