پارلامەنت ءماجىلىسىنىڭ بيۋروسىندا پالاتانىڭ الداعى جالپى وتىرىسىندا قارالاتىن ماسەلەلەر بەلگىلەندى, دەپ حابارلادى ءماجىلىستىڭ ءباسپاسوز قىزمەتى.
پارلامەنت ءماجىلىسىنىڭ بيۋروسىندا پالاتانىڭ الداعى جالپى وتىرىسىندا قارالاتىن ماسەلەلەر بەلگىلەندى, دەپ حابارلادى ءماجىلىستىڭ ءباسپاسوز قىزمەتى.
دەپۋتاتتار قاراۋىنا قوسارلانعان سالىق سالۋدى بولدىرماۋ جونىندەگى قازاقستان–ليۋكسەمبۋرگ ۇكىمەتارالىق كونۆەنتسياسىن راتيفيكاتسيالاۋ تۋرالى زاڭ جوباسى ۇسىنىلماق. كۇن ءتارتىبىنىڭ جوباسىنا, سونداي-اق, ەڭبەك كوشى-قونى ماسەلەلەرى بويىنشا زاڭنامالىق تۇزەتۋلەر (ەكىنشى وقىلىم) ەنگىزىلىپ وتىر.
پالاتاعا بىرقاتار راتيفيكاتسيالىق زاڭ جوبالارى بويىنشا قورىتىندى ازىرلەۋ مەرزىمىن تاعايىنداۋ ۇسىنىلعان. ولار ايرىقشا جاعدايلاردا ءبىرتۇتاس كەدەندىك ءتاريفتىڭ ءمولشەرلەمەلەرىنەن ەرەكشەلەنەتىن كەدەندىك اكەلۋ باجدارىنىڭ مولشەرلەمەلەرىن قولدانۋ شارتتارى مەن ءتارتىبى تۋرالى حاتتاماعا وزگەرىستەر ەنگىزۋ تۋرالى جانە قازاقستان مەن تاجىكستان اراسىنداعى وتەۋسىز اسكەري-تەحنيكالىق كومەك كورسەتۋ تۋرالى ۇكىمەتارالىق كەلىسىم تۋرالى دەپ اتالادى.