* جىلدىڭ سوڭىنا دەيىن 484 ملرد. تەڭگەنىڭ 112 جوباسى تاپسىرىلادى.يندۋستريا جانە جاڭا تەحنولوگيالار مينيسترلىگى ينۆەستيتسيالار بويىنشا كوميتەت توراعاسىنىڭ ورىنباسارى سەرگەي كارپليۋكتىڭ ايتۋىنشا, بۇل 12 مىڭ تۇراقتى جۇمىس ورنىن قامتيتىن بولادى.
* جىلدىڭ سوڭىنا دەيىن 484 ملرد. تەڭگەنىڭ 112 جوباسى تاپسىرىلادى.يندۋستريا جانە جاڭا تەحنولوگيالار مينيسترلىگى ينۆەستيتسيالار بويىنشا كوميتەت توراعاسىنىڭ ورىنباسارى سەرگەي كارپليۋكتىڭ ايتۋىنشا, بۇل 12 مىڭ تۇراقتى جۇمىس ورنىن قامتيتىن بولادى.
*ەڭبەك مينيسترلىگى 2014 جىلى الەۋمەتتىك تاپسىرىس اياسىندا ۇكىمەتتىك ەمەس ۇيىمدارعا 800 ملن. تەڭگە بولەدى. ۆەدومستۆو باسشىسى تامارا دۇيسەنوۆا بيىل بۇل سالاعا 715 ملن. تەڭگەنىڭ بەرىلگەنىن دە ايتىپ ءوتتى.
*تامىزدا ءىرi جانە ورتا كاسiپورىندار مەن ۇيىمدارعا 75,6 مىڭ ادام قابىلداندى. ستاتيستيكا اگەنتتىگىنىڭ مالىمەتتەرى بويىنشا, سونداي-اق, ءتۇرلى سەبەپتەرمەن 82,6 مىڭ ادام جۇمىستان كەتكەن.
*ەكىباستۇزدا بالالار ۇيىندە ءتاربيەلەنگەن 47 بالا باسپاناعا قول جەتكىزدى. وسىعان ارنالعان جيىندا پاۆلودار وبلىسىنىڭ اكىمى ەرلان ارىن جەتىم بالالار مەن اتا-اناسىنىڭ قامقورلىعىنسىز قالعان بالالاردى باسپانامەن قامتۋدى باستى مىندەت دەپ اتاپ ءوتتى.
*شىمكەنتتە بالالار جەدەل حيرۋرگياسى ءبولىمى اشىلدى. ول 20 توسەك-ورىندىق بالالار حيرۋرگياسى مەن 5 ورىندىق كۇندىزگى ستاتسيونار ەسەبىنەن پايدا بولدى.
*اتىراۋدا قاشاعان كەن ورنىنىڭ گازىنان تاۋلىگىنە 4,5 مىڭ توننا كۇكىرت وندىرىلەتىن بولادى. «نورت كاسپيان وپەرەيتينگ كومپاني» كومپانياسىنىڭ ماماندارى قوعامدىق تىڭداۋدا بەرگەن اقپاراتىنا قاراعاندا, قاشاعان مۇنايى تازارتۋدان وتكىزىلەتىن «بولاشاق» زاۋىتىندا تۇيىرشىكتەلگەن جانە قابىرشاقتى كۇكىرت شىعاراتىن قوندىرعىلار ورناتادى.
*الماتىدا جازۋشى, جۋرناليست وتەباي قاناحيننىڭ 90 جىلدىعىنا ارنالعان ەسكە الۋ كەشى ءوتتى. وندا قالامگەردىڭ شىعارماشىلىعى مەن ءومىر جولى كەڭىنەن ءسوز بولدى.
«قازاقپارات», «قازاقستان جاڭالىقتارى», Bnews.kz, TengriNews, EgemenNews حابارلارى بويىنشا دايىندالدى.