مەملەكەت باسشىسى نۇرسۇلتان نازارباەۆتىڭ اتىنا وڭتۇستىك قازاقستان وبلىسىنىڭ زيالى قاۋىم وكىلدەرىنەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
اۆتورلار ەلباسى ساياساتىنىڭ ارقاسىندا ەلىمىزدىڭ الەۋمەتتىك-ەكونوميكالىق احۋالى جىلدان-جىلعا جاقسارىپ كەلە جاتقانىن اتاپ وتكەن.
مەملەكەت باسشىسى نۇرسۇلتان نازارباەۆتىڭ اتىنا وڭتۇستىك قازاقستان وبلىسىنىڭ زيالى قاۋىم وكىلدەرىنەن حات كەلدى, دەپ حابارلادى پرەزيدەنتتىڭ ءباسپاسوز قىزمەتى.
اۆتورلار ەلباسى ساياساتىنىڭ ارقاسىندا ەلىمىزدىڭ الەۋمەتتىك-ەكونوميكالىق احۋالى جىلدان-جىلعا جاقسارىپ كەلە جاتقانىن اتاپ وتكەن.
ودان ءارى حاتتا: «قازاقستان بۇگىندە الەمدىك ارەنادا بەدەلدى, ابىرويى جوعارى مەملەكەتتەر قاتارىنا قوسىلدى. حالىق تۇرمىسىنىڭ جاقسارۋى, ەكونوميكانىڭ نىعايۋى جانە حالىقارالىق قوعامداستىقتىڭ بىزبەن ساناسۋى – وسىنىڭ ناقتى دالەلى. بۇل – قازاقستاندىقتار ءۇشىن زور قۋانىش», – دەلىنگەن.
حات يەلەرى پرەزيدەنت تاپسىرماسىمەن «بەينەۋ – بوزوي» حالىقارالىق گاز قۇبىرىنىڭ قۇرىلىسى جۇرگىزىلگەنىنە, مۇنىڭ وڭتۇستىك ءوڭىر تۇرعىندارىنىڭ كوگىلدىر وتىنعا دەگەن سۇرانىسىن تولىق شەشەتىنىنە توقتالعان.
سونداي-اق, زيالى قاۋىم وكىلدەرى حات سوڭىندا: «بۇل جوبا – تاۋەلسىزدىكتىڭ جانە ءسىزدىڭ باسشىلىعىڭىزدىڭ ارقاسىندا ەلدەگى الەۋمەتتىك ماسەلەلەردىڭ كەشەندى, اۋقىمدى شەشىلىپ وتىرعانىنىڭ تاعى ءبىر ايعاعى. قازاقستاندى كوركەيتۋدەگى ەرەن ەڭبەگىڭىز ءۇشىن وڭتۇستىكقازاقستاندىقتار اتىنان زور العىس ايتامىز», – دەيدى.
ۇجىمدىق حاتقا سوتسياليستىك ەڭبەك ەرلەرى ب.شۇكىربەكوۆ, ت.اعابەكوۆ, جازۋشى م.بايعۇت, قازاقستاننىڭ قۇرمەتتى ءجۋرناليسى ب.قونىسبەك, وقو ارداگەرلەر كەڭەسىنىڭ توراعاسى ج.ماۋلەنقۇلوۆ, وقو كاسىپوداقتار كەڭەسىنىڭ توراعاسى د.شەرىمقۇلوۆ, ەڭبەك ارداگەرى س.باراحوۆا, ت.ب. قول قويعان.