پەتروپاۆلدىڭ پوليتسياسى اۋىلدىڭ تالاي ادامىن الداپ, ولارعا نەسيە رەسىمدەپ, ونى قاقشىپ كەتىپ وتىرعان اككى الاياقتى قولعا ءتۇسىردى. الاياق ساۋدا ورتالىعىنىڭ ماڭىنا كەلگەن اۋىل ادامدارىنا جۇعىسا كەتىپ, اڭگىمە قوزعاپ, اۋىرىپ جاتقان تۋىسىنىڭ قيىن ءحالىن ايتىپ, اۋىلدىق اقكوڭىل اعايىننىڭ ايانىش سەزىمىن وياتقان جانە سوعان ءدارى الاتىن اقشا بولماي تۇرعانىن دا جەتكىزىپ, مۇلايىمسىگەن.
مۇندايعا قالاي ەلجىرەمەيسىڭ, كومەك بەرگىڭ كەلىپ كەتەدى. الاياقتىڭ ايتقانىنا كونىپ, اۋىلدىڭ تالاي اشىق اۋىزى «ونىڭ اقشاسىن» اپەرە قويماق بولىپ, سوڭىنا ەرگەن. الاياق اڭقاۋدى «كرەديتومات» دەگەن فيرمانىڭ تەرمينالىنا الىپ بارىپ, ونىڭ اتىنا قۇجاتتارىنىڭ نەگىزىندە اقشا سۇراتقان. فوتوگرافياعا ءتۇسۋ قاجەت بولعاندا دا اۋىلدىق اعايىندى كامەراعا جاقىنداتقان. قىسقاسى وسىنداي ادىسپەن ونىڭ اتىنا نەسيە راسىمدەپ وتىرعان. ءوزىنىڭ اتىنا نەسيە راسىمدەلگەنىن ارتىنان عانا بىلگەن اۋىلدىڭ اشىق اۋىزدارى سانىن ءبىر-اق سوققان.
وقيعانىڭ ءبارى «مۇحيت» ساۋدا ورتالىعى مەن سونىڭ جانىنداعى ورتالىق ساۋدا الاڭىندا بولعانى انىقتالدى. باسقا جەرگە «سreditomat.kz» تەرمينالى قويىلماعان بولسا كەرەك.
پەتروپاۆل پوليتسياسى وسى دەرەكتەردى باسشىلىققا الا وتىرىپ, قالانىڭ كۇدىك كەلتىرگەن 1981 جىلى تۋعان تۇرعىنىن ۇستادى. ول بۇعان دەيىن دە بىرنەشە رەت م ۇلىكتىك قىلمىستار جاساعانى ءۇشىن جاۋاپكەرشىلىككە تارتىلعان ەكەن. ودان ءارى زارداپ شەگۋشىلەر دە ونى اينىتپاي تانىعانى انىق. ءسويتىپ, قازىر ونىڭ ۇستىنەن قىلمىستىق كودەكستىڭ «الاياقتىق» بابى بويىنشا ءىس قوزعالىپ, تەرگەۋ ءجۇرىپ جاتىر.
بارلىق الەم كورونوۆيرۋستان ساقتانۋدىڭ جولدارىن ىزدەپ شالدىعىپ جۇرسە وسىنداي ارامزا الاياقتار حالىقتى الداۋدىڭ جەڭىل جولىنا شىعىپتى.
پەتروپاۆل