بەيسەنبى, 16 مامىر 2013 2:12
كەشە «نۇر وتان» حالىقتىق-دەموكراتيالىق پارتياسىنىڭ ورتالىق اپپاراتىندا پارتيانىڭ جاڭا ساياسي دوكتريناسىن ازىرلەۋ ءجونىندەگى جۇمىس توبىنىڭ ءۇشىنشى وتىرىسى بولىپ ءوتتى.
بۇل قۇجات ەلباسى, «نۇر وتان» حدپ توراعاسى نۇرسۇلتان نازارباەۆتىڭ تاپسىرماسى بويىنشا ءازىرلەنۋدە. وسىنىڭ الدىندا بولعان ەكى وتىرىستا دوكترينا جوباسىن جەتىلدىرۋگە باعىتتالعان بىرقاتار ۇسىنىستار تۇسكەن ەدى. ودان باسقا جازباشا ۇسىنىستار دا كوپتەپ ءتۇسىپتى.
بەيسەنبى, 16 مامىر 2013 2:12
كەشە «نۇر وتان» حالىقتىق-دەموكراتيالىق پارتياسىنىڭ ورتالىق اپپاراتىندا پارتيانىڭ جاڭا ساياسي دوكتريناسىن ازىرلەۋ ءجونىندەگى جۇمىس توبىنىڭ ءۇشىنشى وتىرىسى بولىپ ءوتتى.
بۇل قۇجات ەلباسى, «نۇر وتان» حدپ توراعاسى نۇرسۇلتان نازارباەۆتىڭ تاپسىرماسى بويىنشا ءازىرلەنۋدە. وسىنىڭ الدىندا بولعان ەكى وتىرىستا دوكترينا جوباسىن جەتىلدىرۋگە باعىتتالعان بىرقاتار ۇسىنىستار تۇسكەن ەدى. ودان باسقا جازباشا ۇسىنىستار دا كوپتەپ ءتۇسىپتى.
ءۇشىنشى وتىرىستى اشقان پارتيا توراعاسىنىڭ ءبىرىنشى ورىنباسارى باۋىرجان بايبەك بۇگىنگە دەيىن ىستەلىپ جاتقان جۇمىستار جونىندە قىسقاشا ايتىپ ءوتتى. ەلباسىنىڭ تاپسىرماسىمەن وڭىرلەرگە شىققان ساپارىمدا ءتۇرلى ەڭبەك ۇجىمدارىنداعى جانە باستاۋىش پارتيا ۇيىمدارىنداعى كەزدەسۋلەردە ازاماتتارمەن دوكترينانىڭ باستى باعىتتارىن تالقىلاپ, ولاردىڭ وي-پىكىرلەرىن ءبىلدىم. جالپى, قۇجات جوباسى پارتيا مۇشەلەرىنىڭ قولداۋىنا يە بولىپ وتىرعانىن كوزىممەن كوردىم, دەدى ول.
ەندى دوكترينا جوباسى كەڭەيتىلگەن تالقىلاۋعا شىعارىلاتىنى ءمالىم بولىپ وتىر. مەنىڭ ويىمشا, بۇل جوبا ساپاسى وتە جوعارى, جان-جاقتى ويلاستىرىلعان ماڭىزدى قۇجات, دەپ ويىن جالعاستىردى ب.بايبەك. ودان ءارى دوكترينانى جەتىلدىرۋگە باعىتتالعان پايدالى ۇسىنىستار بەرگەن جۇمىس توبى مۇشەلەرىنە العىسىن ءبىلدىردى. سونىمەن بىرگە, ءوزىنىڭ سوزىندە جاڭا ساياسي دوكترينا جوباسىندا «نۇر وتان» پارتياسىنىڭ يدەولوگيالىق تۇعىرناماسى بارىنشا ناقتىلانىپ, باستى مۇراتتار مەن باسىمدىقتار, سونداي-اق ەلباسىنىڭ «قازاقستان-2050» ستراتەگياسىن ىسكە اسىرۋداعى ءرولى ايقىندالاتىنىن ايتىپ ءوتتى.
قازاقستاننىڭ ءححى عاسىرداعى تۇراقتى دامۋىنىڭ بىردەن-ءبىر كەپىلى, ەڭ الدىمەن, قوعامدا مادەني-رۋحاني قۇندىلىقتاردى قالىپتاستىرۋ بولىپ تابىلاتىنىن ەلباسى ءاردايىم ايتىپ وتىرادى. سوندىقتان وسى ماسەلەگە دوكترينادا ايرىقشا كوڭىل بولىنەدى, دەدى ب.بايبەك.
ءبىز دوكترينا جوباسى جونىندە ءماجىلىس دەپۋتاتى, كورنەكتى مەملەكەت جانە قوعام قايراتكەرى قۋانىش سۇلتانوۆتىڭ پىكىرىن بىلگەن ەدىك. بارلىق ساياسي كۇشتەردىڭ باعدارلاماسى بولادى, ال دوكترينا – باعدارلامانىڭ بارىنشا ناقتىلانعان تۇجىرىمداماسى دەۋگە تۇرارلىق باستى قۇجات. بۇعان دەيىن دە «نۇر وتان» ءوزىنىڭ دوكتريناسىن قابىلداعان. ال جاڭا ساياسي دوكترينانىڭ ولاردان ەرەكشەلىگى سول – بۇل قۇجات ەلباسى ن.نازارباەۆتىڭ «قازاقستان-2050» ستراتەگياسىمەن تىعىز بايلانىستى. سول ستراتەگيانى ىسكە اسىرۋ بارىسىندا حالىقتى جۇمىلدىرۋ, سانالى تۇردە ۇيىمداسۋ جولدارىنا قول جەتكىزۋ ماسەلەلەرى وسى قۇجاتتا قاراستىرىلادى. وسى ماقساتتاردى ىسكە اسىرۋ جولىندا قانداي ماڭىزدى شارالار اتقارىلادى, مىنە, وسىنىڭ ءبارى دوكترينادا قامتىلاتىن بولادى, دەدى دەپۋتات.
دوكترينا جوباسىن ازىرلەۋ جونىندەگى جۇمىس توبىنىڭ ءبىر مۇشەسى «باۋىرجان» قايىرىمدىلىق قورىنىڭ ءتورايىمى جۇلدىز وماربەكوۆا دا ءوز پىكىرىن ءبىلدىردى. دوكترينانىڭ ماعان ايرىقشا ۇنايتىن جەرى – وندا ۇلتتىق سالت-داستۇرلەرىمىز سياقتى قۇندىلىقتارىمىزدى جوعالتپاۋ جانە ولاردى جانداندىرۋ ماسەلەسى ايرىقشا اتاپ كورسەتىلگەن. ولاردى الەۋمەتتىك ينستيتۋت رەتىندە ساقتاۋ كەرەكتىگىنە كوڭىل بولىنگەن. مۇندايدى ەسكەرگەن قۇجاتتىڭ بولاشاعى زور بولادى دەپ سەنەمىن, دەدى ول.
دوكترينا پارتيانىڭ كەزەكتى سەزىندە قابىلدانادى دەپ جوسپارلانىپ وتىر.
جاقسىباي سامرات,
«ەگەمەن قازاقستان».