سەنبى, 7 شىلدە 2012 7:29
بەيسەنبى كۇنى فۋتبولدان ەۋروپا ليگاسىنىڭ ىرىكتەۋ ءتۋرنيرى باستالدى. وسى تۋرنيرگە بيىل قاتىسىپ جاتقان ءۇش قازاقستاندىق كوماندانىڭ ءبارى العاشقى ويىندارىن سىرت الاڭداردا وتكىزدى.
بۇل ويىنداردا بيىل العاش رەت ەۋروپا ليگاسىنىڭ ىرىكتەۋ سىنىنا قاتىسىپ وتىرعان شىمكەنتتىڭ «ورداباسى» كومانداسى سەربيانىڭ «ياگودينا» كلۋبىن 1:0 ەسەبىمەن ۇتسا, ەۋروپا ليگاسىنىڭ الاڭدارىندا تالاي رەت ويناپ, تاجىريبە جيناعان «اقتوبە» گرۋزيانىڭ «تورپەدوسىمەن» تەڭ ءتۇستى. ەسەپ – 1:1. ال بىلتىرعى ەل چەمپيونى – تالدىقورعاننىڭ «جەتىسۋ» كلۋبى بولسا, پولشانىڭ «لەح» كومانداسىنان 2:0 ەسەبىمەن جەڭىلىپ قالدى.
سەنبى, 7 شىلدە 2012 7:29
بەيسەنبى كۇنى فۋتبولدان ەۋروپا ليگاسىنىڭ ىرىكتەۋ ءتۋرنيرى باستالدى. وسى تۋرنيرگە بيىل قاتىسىپ جاتقان ءۇش قازاقستاندىق كوماندانىڭ ءبارى العاشقى ويىندارىن سىرت الاڭداردا وتكىزدى.
بۇل ويىنداردا بيىل العاش رەت ەۋروپا ليگاسىنىڭ ىرىكتەۋ سىنىنا قاتىسىپ وتىرعان شىمكەنتتىڭ «ورداباسى» كومانداسى سەربيانىڭ «ياگودينا» كلۋبىن 1:0 ەسەبىمەن ۇتسا, ەۋروپا ليگاسىنىڭ الاڭدارىندا تالاي رەت ويناپ, تاجىريبە جيناعان «اقتوبە» گرۋزيانىڭ «تورپەدوسىمەن» تەڭ ءتۇستى. ەسەپ – 1:1. ال بىلتىرعى ەل چەمپيونى – تالدىقورعاننىڭ «جەتىسۋ» كلۋبى بولسا, پولشانىڭ «لەح» كومانداسىنان 2:0 ەسەبىمەن جەڭىلىپ قالدى.
«ورداباسىنىڭ» ويىنىندا سەنەگالدىق شابۋىلشى مانسۋر گۋيە كەزدەسۋدىڭ 85-ءشى مينۋتىندا گول سوعىپ, كومانداسىنا جەڭىس اكەلدى. ءسويتىپ, شىمكەنتتىك ۇجىم ەندى ءوز الاڭىنداعى قارىمتا كەزدەسۋدە ەكى دوپ ايىرماشىلىعىمەن جەڭىلمەسە, كەلەسى اينالىمعا شىعادى.
«اقتوبەنىڭ» جاعدايى دا سونداي. بۇل كەزدەسۋدە العاشقى بولىپ ەسەپتى الاڭ يەلەرى اشقان. «اقتوبە» ويىننىڭ بىتۋىنە 8 مينۋت قالعاندا ەسەپتى تەڭەستىرىپ كەتتى. گولدى رەسەيدىڭ «الانيا» كومانداسىنان اۋىسىپ كەلگەن وزبەك لەگيونەرى مارات بيكماەۆ سوقتى. ەندى «اقتوبە» ءوز الاڭىندا گرۋزيالىق كوماندادان جەڭىلىپ قالماسا نەمەسە ءىرى ەسەپپەن تەڭ تۇسپەسە بولدى. ءتىپتى 0:0 ەسەبىمەن تەڭ تۇسسە دە, سىرتتا سالعان دوبى ارقىلى كەلەسى كەزەڭگە وتەدى.
ال ەلىمىزدىڭ بىلتىرعى چەمپيونى «جەتىسۋعا», ايتارى جوق, جەرەبە جولداس بولمادى. پولشانىڭ «لەح» كومانداسى – بۇرىننان بەرى ەۋروپا الاڭدارىندا ويناعان تاجىريبەلى ۇجىم. ءبىر وكىنىشتىسى, وسى ويىندا «جەتىسۋ» 60-شى مينۋتقا دەيىن الاڭ يەلەرىنە لايىقتى قارسىلىق كورسەتكەن-ءتىن. تەك ماتچتىڭ 61 جانە 65-ءشى مينۋتتارىندا 2 دوپ جىبەرىپ الدى. ەندى «جەتىسۋدىڭ» كەلەسى ويىندا پولياكتاردىڭ دا ساعىن سىندىرۋعا تىرىسۋى كەرەك.
كەلەسى ويىندار ءبىر اپتادان كەيىن وتەدى.
داستان كەنجالين,
«ەگەمەن قازاقستان».