دۇيسەنبى, 12 ناۋرىز 2012 7:53
بۇگىنگى تاڭدا وتاندىق سپورت يندۋسترياسىن دامىتۋدىڭ ۋاقىتى جەتكەنى انىق كورىنىس تابۋدا. قازىرگى ۇكىمەت ونى دامىتۋ باستامالارىنا ءتيىستى قولداۋ شارالارىن قاراستىرۋعا دايىن ەكەنىن كورسەتىپ وتىر. جىل باسىندا سپورت جانە دەنە شىنىقتىرۋ ىستەرى اگەنتتىگىنىڭ كەڭەيتىلگەن القا ءماجىلىسىندە ۆيتسە-پرەمەر ە.ورىنباەۆ ءوز سوزىندە: «اگەنتتىكتىڭ ءوزى ءاربىر وڭىردە سپورتتا دارىندى جاستاردى انىقتاۋدىڭ ءتيىمدى جۇيەسىن ويلاستىرىپ العانى ءجون. ونداي بالالاردى بىردەن تاۋىپ, ولاردىڭ قابىلەت-دارىنىن دامىتۋ ءۇشىن قاجەتتى بارلىق جاعدايلاردى جاساۋ قاجەت. بولاشاقتا سول سپورتشىلار ەل نامىسىن قورعايتىن بولادى», دەگەن بولاتىن.
دۇيسەنبى, 12 ناۋرىز 2012 7:53
بۇگىنگى تاڭدا وتاندىق سپورت يندۋسترياسىن دامىتۋدىڭ ۋاقىتى جەتكەنى انىق كورىنىس تابۋدا. قازىرگى ۇكىمەت ونى دامىتۋ باستامالارىنا ءتيىستى قولداۋ شارالارىن قاراستىرۋعا دايىن ەكەنىن كورسەتىپ وتىر. جىل باسىندا سپورت جانە دەنە شىنىقتىرۋ ىستەرى اگەنتتىگىنىڭ كەڭەيتىلگەن القا ءماجىلىسىندە ۆيتسە-پرەمەر ە.ورىنباەۆ ءوز سوزىندە: «اگەنتتىكتىڭ ءوزى ءاربىر وڭىردە سپورتتا دارىندى جاستاردى انىقتاۋدىڭ ءتيىمدى جۇيەسىن ويلاستىرىپ العانى ءجون. ونداي بالالاردى بىردەن تاۋىپ, ولاردىڭ قابىلەت-دارىنىن دامىتۋ ءۇشىن قاجەتتى بارلىق جاعدايلاردى جاساۋ قاجەت. بولاشاقتا سول سپورتشىلار ەل نامىسىن قورعايتىن بولادى», دەگەن بولاتىن. ياعني, بۇل – اۋىلدىق جەرلەردە بۇقارالىق دەنە شىنىقتىرۋ, سپورت جۇمىستارىن ۇيىمداستىرۋ جانە اۋىل سپورتشىلارىنىڭ سپورتتىق شەبەرلىكتەرىن ارتتىرۋ ماقساتىندا ۇكىمەت تاراپىنان جان-جاقتى قولداۋ بولادى دەگەن ءسوز.
اقتوعاي سپورتى دەگەندە ەڭ الدىمەن اۋىزعا ۆولەيبول مەن دوپتى حوككەي كەلەتىنى ءسوزسىز. وتكەن عاسىردىڭ 70-ءشى جىلدارىندا مۇز ايدىنىندا جاسىنداي جارقىلداعان ج.قوراباەۆ, ا.نوعاەۆ, م.ءتولەگەنوۆ سياقتى اعالارىمىزدىڭ سارا جولىن كەيىننەن ق.حاسەنوۆ, ك.ليۋپپ, ا.كارىمحانوۆ, م.سەيسەپوۆ, ە.ومارباەۆتار جالعاستىرىپ, ءبۇگىنگى تولقىنعا اماناتتاپ وتىر. جىلدا ءداستۇرلى تۇردە وتەتىن ج.قوراباەۆ اتىنداعى جارىس جانە مەرەكە كۇندەرى وتەتىن ويىنداردا اۋىل جاستارى بەنديدىڭ قىر-سىرىن تولىقتاي مەڭگەرىپ, مۇز ايدىنىندا ادەمى, ساپالى ويىندارىمەن كوپشىلىكتى تاڭقالدىرۋدا. اۋىل بالالارى ەشقانداي ءتاجىريبەسىز بەندي ويىنىندا ويناقتاۋدى ەشكىمنەن دە ۇيرەنبەي, ساڭلاق ويىنشىلاردان كەم ەمەستىكتەرىن انىق بايقاتۋدا.
بيىلعى جىلدىڭ باسىندا الاتاۋدىڭ بوكتەرىندە وتكەن دوپتى حوككەيدەن الەم ءبىرىنشىلىگىندە اتوي سالعان قازاق ەلىنىڭ قۇراماسى قورجىنعا قولا جۇلدەنى سالدى. ماقتاندىق, قۋاندىق. بىراق, قازاق ەلى دەپ وتىرعان قۇرامامىزدا جالعىز قازاق جىگىتىنىڭ جۇرگەنى نامىستى قامشىلايدى ەكەن. كىلەڭ رەسەي بىرىنشىلىگىندە وينايتىن, سوندا تۇراتىن جىگىتتەردەن جاساقتالعان قۇرامادا اۋىلدان شىققان قازاق جاستارىنا ورىن بۇيىرماعانى, ارينە, وكىنىشتى. ونداي جاستار جوق دەپ ايتۋعا مۇلدە بولمايدى. بار, جەتكىلىكتى ولار. بىراق, سولاردى كورەتىن كوزدەر بولماي تۇر.
ەرتەدە سپورت سەلەكتسيونەرلەرى اۋىل-اۋىلدى ارالاپ, بالالاردىڭ مۇمكىنشىلىگىن قاراپ, ولارعا باعىت-باعدار بەرىپ, دارىنى اسىپ جاتسا, سپورت-ينتەرناتتارعا الىپ كەتىپ جاتاتىن. بۇگىنگى كۇندە ونداي جۇمىس مۇلدە جۇرگىزىلمەيدى. اۋىل بالالارىنىڭ بارلىعىنىڭ ونداي وقۋ ورىندارىنا بارىپ ءبىلىم الۋلارىنا مۇمكىنشىلىكتەرى كەلە بەرمەيتىنى ءسوزسىز. جوعارىدا ايتىپ وتكەنىمدەي, اگەنتتىك جەر-جەرلەردە ناقتى جۇمىستار ءجۇرگىزەتىنى قۇر ءسوز جۇزىندە عانا بولىپ قالماسا دەيمىن. الداعى ۋاقىتتا دارىندى جاستارىمىزدى كورۋگە الاشتىڭ ءۇش ارىسىنىڭ اتامەكەنى – اقتوعاي وڭىرىنە بەندي ويىنىنىڭ مايىن ىشكەن بىلىكتى مامانداردى شاقىرامىن, كەلىپ ءمۇمكىندىگىنشە ولارعا قولداۋ كورسەتەدى دەپ سەنەمىن.
ابىلاي امانجولوۆ.
قاراعاندى وبلىسى,
اقتوعاي اۋدانى.