سەنبى, 21 شىلدە 2012 7:42
شار اينا
ەلدىڭ كۇشتىك قۇرىلىمدارىن ىس جۇزىندە باسشىسىز قالدىرعانداماسكىدەگى تەرراكتىدەن كەيىن ساراپشىلار سيرياداعى احۋالدىڭ دامۋىنەكى نۇسقادا اتاۋدا.
ءبىرىنشى ستسەناري بويىنشا, ۇكىمەت ارمياسىندا جاپپاي اسكەردەن قاشۋ باستالۋى مۇمكىن. ال ول باشار اساد رەجىمىنىڭ تىرەگى بولىپ تابىلاتىن ۆەدومستۆونىڭ كۇيرەۋىنە اكەلىپ سوقتىرادى. ەكىنشى ستسەناري سيرياداعى ازامات سوعىسىنىڭ ۇزاققا سوزىلاتىن سوعىسقا ۇلاسىپ كەتۋىن قاراستىرادى.
سەنبى, 21 شىلدە 2012 7:42
شار اينا
ەلدىڭ كۇشتىك قۇرىلىمدارىن ىس جۇزىندە باسشىسىز قالدىرعانداماسكىدەگى تەرراكتىدەن كەيىن ساراپشىلار سيرياداعى احۋالدىڭ دامۋىنەكى نۇسقادا اتاۋدا.
ءبىرىنشى ستسەناري بويىنشا, ۇكىمەت ارمياسىندا جاپپاي اسكەردەن قاشۋ باستالۋى مۇمكىن. ال ول باشار اساد رەجىمىنىڭ تىرەگى بولىپ تابىلاتىن ۆەدومستۆونىڭ كۇيرەۋىنە اكەلىپ سوقتىرادى. ەكىنشى ستسەناري سيرياداعى ازامات سوعىسىنىڭ ۇزاققا سوزىلاتىن سوعىسقا ۇلاسىپ كەتۋىن قاراستىرادى. بۇل رەتتە رەجىمگە ادال كۇشتەر داماسك ءۇشىن شايقاستى جالعاستىرىپ, ەلدىڭ وزگە وڭىرلەرىنەن تىڭ كۇشتەر الىپ تۇرادى. ال ب.اسادتىڭ گۆاردياسى ءوزىنىڭ جاۋىنگەرلىك قابىلەتىن ساقتاپ قالماق. سونىمەن بىرگە, «سيريالىق قارسىلىقتىڭ باقىلاۋدان تىس ەلەمەنتتەرىنىڭ» حيميالىق ارسەنالداردى باسىپ الۋ قاۋپىنىڭ بار ەكەنى دە جوققا شىعارىلمايدى.
جانكەشتى گۋانتانامو تۇتقىنى ەكەن
بولگاريانىڭ بۋرگاس قالاسىندا يزرايلدىكتەر وتىرعان اۆتوبۋستىجارىپ جىبەرگەن تەررورشى-جانكەشتى تۇبىرى الجيرلىك جانە فينليانديالىقشۆەتسيا ازاماتى بولىپ شىقتى.
36 جاستاعى مەحدي موحامماد گەزالي بولگارياعا تەراكت بولاردان بىرنەشە كۇن بۇرىن ميچيگان شتاتى بەرگەن امەريكالىق پاسپورتپەن جانە جۇرگىزۋشىلىك كۋالىكپەن كەلگەن كورىنەدى. قۇجاتتاردىڭ ەكەۋى دە قولدان جاسالعان. سونىمەن بىرگە, ونىڭ 2002-2004 جىلداردا امەريكانىڭ گۋانتانامو اسكەري بازاسىنداعى تەررورشىلارعا ارنالعان تۇرمەدە وتىرعانى دا بەلگىلى بولىپ شىقتى. كەيىن ونى شۆەد وكىمەتىنە بەرگەن, ال ولار تۇتقىندى بوساتىپ جىبەرگەن كورىنەدى. جانكەشتىنىڭ ءدال وسى گەزالي ەكەندىگى پوليتسيا اۋەجايداعى بەينەباقىلاۋ كامەراسىنداعى جازبالاردى زەرتتەگەننەن كەيىن بەلگىلى بولعان.
نارازىلىق باسىلماي تۇر
وتكەن بەيسەنبى كۇنى يسپانيادا ۇكىمەتكە قارسى نارازىلىق اكتسيالارىقاتتى بەلەڭ الدى.
ەلدىڭ 80 قالاسىندا ىزالانعان بىرنەشە جۇزدەگەن مىڭ ادام كوشەلەرگە شىعىپ, ەل ۇكىمەتىنىڭ داعدارىستى جەڭۋ ءۇشىن ەنگىزگەن بيۋدجەتتى قاتاڭ ۇنەمدەۋ شاراسىنا وزدەرىنىڭ قارسىلىقتارىن ءبىلدىردى. مادريدتە ەرەۋىلشىلەر قالانىڭ ورتالىق الاڭىنا جينالدى. جەرگىلىكتى باق-تىڭ مالىمەتىنشە, استانادا وتكەن اكتسياعا 100 مىڭنان استام ادام قاتىسقان. نارازىلىق بىلدىرۋشىلەردىڭ اراسىندا پوليتسەيلەر, ءورت سوندىرۋشىلەر, مەديكتەر مەن وقىتۋشىلار دا بولعان كورىنەدى.
ورتاق شەشىم بولماعانىنا رەنجىدى
بۇۇ باس حاتشىسى پان گي مۋن قاۋىپسىزدىك كەڭەسىنىڭ سيرياداعىداۋ-جانجالدى رەتتەۋگە قاتىستى قارار بويىنشا ورتاق كەلىسىمگە كەلەالماعانىنا رەنىش بىلدىردى.
ونىڭ ايتۋىنشا, ازاماتتاردى قورعاۋ تۇرعىسىندا كۇش كورسەتۋگە تولىق تىيىم سالۋدى كوزدەيتىن قاۋىپسىزدىك كەڭەسى العا قويىپ وتىرعان ماقساتتارعا قول جەتكىزۋ ءۇشىن جانە دەموكراتيالىق ساياسي جۇيەگە كوشۋدى قامتاماسىز ەتۋ ءۇشىن بۇگىندە ۇلكەن كۇش پەن باتىلدىق قاجەت. وسى ورايدا رەسەي مەن قىتايدىڭ قاراردىڭ باتىستىق جوباسىن بۇۇ قاۋىپسىزدىك كەڭەسىندە داۋىس بەرۋ كەزىندە وتكىزبەي تاستاعانىن ەسكە سالا كەتۋ ورىندى.
ەكىنشى رەت ۇكىم شىعارىلدى
ءتۋنيستىڭ اسكەري سوتى ەلدىڭ ەكس-پرەزيدەنتى زين ال-ابەدين بەن اليدىەكىنشى رەت ومىر بويىنا سوتتاۋ جونىندە ۇكىم شىعاردى.
ول 2011 جىلدىڭ باسىندا وتكەن ۇكىمەتكە قارسى بوي كورسەتۋلەر كەزىندە 45 ەرەۋىلشىنىڭ قازا بولۋىنا جانە جۇزدەگەن ادامنىڭ جاراقات الۋىنا كىنالى دەپ تانىلىپ وتىر. ءدال وسى جاپپاي نارازىلىق اكتسياسى سالدارىنان زين ءال-ابەدين بەن ءاليدىڭ وزىنە ساياسي باسپانا بەرگەن ساۋد ارابياسىنا قاشۋىنا تۋرا كەلگەن. ايتا كەتۋ كەرەك, ەكس-پرەزيدەنتكە وسىمەن ەكىنشى رەت ءومىر بويى تۇرمەدە وتىرۋ جونىندە ۇكىم شىعارىلىپ وتىر.
گەي-پارادقا مۋنديرمەن كەلەتىن بولدى
امەريكا وكىمەتى قارۋلى كۇشتەر قىزمەتكەرلەرىنىڭ گەي-پارادتارعا اسكەري كيىم كيىپ كەلۋلەرىنە رۇقسات ەتتى.
پەنتاگوننىڭ اسكەر قاتارىنداعى گوموسەكسۋالدارعا جاساپ وتىرعان بۇل جەڭىلدىگى العاش رەت ەمەس. بۇعان دەيىن, ياعني وتكەن جىلى عانا گوموسەكسۋالدارعا قاتىسى بار وفيتسەرلەردىڭ اسكەر قاتارىندا قىزمەت ەتۋىنە تىيىم سالاتىن «سۇراما – ايتپا» دەپ اتالاتىن پرينتسيپ كۇشىن جويعان بولاتىن. بۇل ساياسات اقش-تا 1993 جىلى ەنگىزىلىپ, تەك توعىز ايدان سوڭ عانا كۇشىن جويعان ەدى. «سۇراما – ايتپا» ءپرينتسيپى ءوز كۇشىندە تۇرعان كەزەڭدە امەريكالىق قارۋلى كۇشتەر قاتارىنان 14 مىڭ قىزمەتكەردىڭ بوساتىلعانىن دا ايتا كەتۋ قاجەت.
اقش قورعانىسقا 606 ميلليارد دوللار ءبولدى
اقش كونگرەسىنىڭ وكىلدەر پالاتاسى 2013 قارجى جىلىنا ارنالعان اسكەري شىعىندار مولشەرىن شامامەن 606 ميلليارد دوللار دەپ بەلگىلەدى.
وسىعان وراي, قابىلدانعان زاڭ جوباسى 518 ميلليارد دوللاردى پەنتاگون قاجەتتەرىنە, 87,7 ميلليارد دوللاردى اۋعانستانداعى سوعىس پەن شەتەلدەردەگى وزگە دە وپەراتسيالارعا جۇمساۋدى قاراستىرادى. بۇل زاڭ جوباسى ءبىزدىڭ ارميامىزعا قامقورلىق جاسايدى. ول امەريكاعا ەڭ جوعارى دەڭگەيدە قولداۋ كورسەتەدى جانە ونىڭ سوعىس قابىلەتىن ارتتىرا تۇسەدى, دەپ اتاپ كورسەتتى اسسيگنوۆانيالار جونىندەگى كوميتەت توراعاسى حەل رودجەرس.
ينتەرنەت ماتەريالدارى نەگىزىندە ازىرلەندى.