بەيسەنبى, 17 مامىر 2012 8:16
فرانتسيانىڭ جاڭا پرەزيدەنتى فرانسۋا وللاند گفر كانتسلەرى انگەلا مەركەلمەن بەرليندە وتكەن كەزدەسۋىندە ءوز ەلىنىڭ گەرمانيامەن قارىم-قاتىناستى نىعايتا بەرەتىنىن مالىمدەدى.
بىرلەسكەن ءباسپاسوز ءماسليحاتىندا فرانسۋا وللاند ەكى ەل اراسىنداعى بايلانىستار تەڭدەستىرىلگەن جانە قۇرمەتكە نەگىزدەلگەن بولۋى ءتيىس دەپ اتاپ كورسەتكەن. سونداي-اق كەزدەسۋدە ەۋرووداقتاعى قارىزدىق داعدارىس جايى دا تالقىلانعان. بۇل ورايدا ف.وللاند ا.مەركەل ۇسىنىپ وتىرعان بىرقاتار قاتاڭ ۇنەمدەۋ شارالارىنا ءوزىنىڭ قارسى ەكەندىگىن دە بىلدىرگەن.
بەيسەنبى, 17 مامىر 2012 8:16
فرانتسيانىڭ جاڭا پرەزيدەنتى فرانسۋا وللاند گفر كانتسلەرى انگەلا مەركەلمەن بەرليندە وتكەن كەزدەسۋىندە ءوز ەلىنىڭ گەرمانيامەن قارىم-قاتىناستى نىعايتا بەرەتىنىن مالىمدەدى.
بىرلەسكەن ءباسپاسوز ءماسليحاتىندا فرانسۋا وللاند ەكى ەل اراسىنداعى بايلانىستار تەڭدەستىرىلگەن جانە قۇرمەتكە نەگىزدەلگەن بولۋى ءتيىس دەپ اتاپ كورسەتكەن. سونداي-اق كەزدەسۋدە ەۋرووداقتاعى قارىزدىق داعدارىس جايى دا تالقىلانعان. بۇل ورايدا ف.وللاند ا.مەركەل ۇسىنىپ وتىرعان بىرقاتار قاتاڭ ۇنەمدەۋ شارالارىنا ءوزىنىڭ قارسى ەكەندىگىن دە بىلدىرگەن.
ۇلتتىق بىرلىك بلوگىنىڭ جەڭىسى
سيريادا وتكەن سايلاۋدا جەڭىسكە جەتكەن ۇلتتىق بىرلىك بلوگى پارلامەنتتەگى 250 ورىننىڭ 185-ىنە يە بولدى.
بلوكتىڭ بارلىق كانديداتتارى اراب سوتسياليستىك ورلەۋ پارتياسى ء(اسوپ نەمەسە بااس) جانە ونىڭ پروگرەسسيۆتى ۇلتتىق مايدان بويىنشا وداقتاستارى اتىنان ۇسىنىلعان بولاتىن. داۋىس بەرۋ ناتيجەلەرى بويىنشا 49 ورىنعا يە بولعان تاۋەلسىز دەپۋتاتتار توبى ءۇشىنشى ورىن العان كورىنەدى. سايلاۋعا قاتىسقان بىردەن-ءبىر وپپوزيتسيالىق فراكتسيا – بەيبىت وزگەرىستەر جولىنداعى كۇشتەر كواليتسياسى 5 دەپۋتاتتىق مانداتقا قول جەتكىزگەن.
جالاقوردىڭ جازالانۋىن تالاپ ەتۋدە
ءبىر جىل بۇرىن ايەل زورلادى دەگەن داۋعا ىلىككەن حۆق-نىڭ ەكس-باسشىسى دومينيك ستروسس-كان وزىنە كىنا تاققان قوناقۇي قىزمەتشىسىنىڭ ۇستىنەن 1 ميلليون دوللارعا تالاپ-ارىز ءتۇسىردى.
فرانتسۋز سوتسياليستىك پارتياسىنىڭ بۇرىنعى باسشىسى جانە فرانتسيا پرەزيدەنتتىگىنە كانديدات ستروسس-كان 32 جاستاعى گۆينەيالىق نافيسساتۋ دياللونى وزىنە قاساقانا كىنا تاقتى دەپ ايىپتاپ وتىر. سول ارقىلى ول مۇنىڭ بەدەلىنە جانە كاسىبي جوسپارلارىنا اسا ۇلكەن نۇقسان كەلتىرگەن. سونىمەن بىرگە, ستروسس-كان تالاپ-ارىزىندا ءوزىنىڭ سوت قۋدالاۋىنا تۇسكەنىن, زاڭسىز باس بوستاندىعىنان ايىرىلعانىن, سونىڭ ءبارىنىڭ كوڭىل-كۇيىنە تەرىس اسەر ەتكەنىن اتاپ كورسەتكەن.
شىعارىلعان ۇكىم جۇزەگە اسىرىلدى
يراندا يادروشى-فيزيك موستافا احمادي روشاننىڭ قازا تابۋىنا بايلانىستى ءولىم جازاسىنا كەسىلگەن ماجيد دجامالي فاشيگە قاتىستى ۇكىم جۇزەگە استى.
سونىمەن بىرگە, وعان ءيزرايلدىڭ پايداسىنا شپيوندىق جاساپ, سول ءۇشىن 120 مىڭ دوللار الدى دەگەن دە ايىپ تاعىلعان بولاتىن. يزرايل وكىمەتى بولسا, وزدەرىنىڭ ول ولىمگە قاتىسىنىڭ جوق ەكەنىن مالىمدەپ وتىر. ايتا كەتۋ كەرەك, يادروشى-فيزيك م.روشان ونىڭ ماشيناسىنىڭ استىنا بەلگىسىز بىرەۋلەر ورناتقان بومبانىڭ جارىلۋىنان قازا تاپقان بولاتىن.
اليانسقا نارازىلىق كۇشەيۋدە
بەيبىتشىلىك پەن ادىلدىك ءۇشىن كۇرەسۋشى 39 امەريكالىق ۇيىم «ناتو-سىز بولاشاق ءۇشىن جەلى» دەپ اتالاتىن قۇرىلىم قۇردى.
ولار چيكاگودا وتەتىن ناتو ءسامميتى قارساڭىندا «بەيبىتشىلىك پەن ەكونوميكالىق ادىلەتتىلىك جولىنداعى كونترسامميت» دەپ اتالاتىن شارا وتكىزبەكشى. قۇرىلىم مۇشەلەرىن وبامانىڭ كارزايمەن جاساعان كەلىسىمىنىڭ جوباسى الاڭداتاتىن كورىنەدى. اسىرەسە, 2014 جىلى اقش اسكەرىنىڭ اۋعانستاننان تولىق شىعارىلاتىنىنا كۇمان ۇلكەن. وعان اتالعان كەلىسىمنىڭ كونگرەستى اينالىپ ءوتىپ جاسالماقتىعى سەبەپكەر بولىپ وتىر.
ەۋرووداق وكىلىنىڭ ماشيناسى ورتەلدى
گەرمانيادا بەلگىسىز بىرەۋلەر ەۋرووداقتىڭ گرەكيا ءجونىندەگى جۇمىس توبىنىڭ باسشىسى حورست رەيحەنباحتىڭ ءاۆتوموبيلىن ورتەپ جىبەرگەن.
سونىمەن قاتار, ولار رەيحەنباحتىڭ ۇيىنە بوياۋ تولتىرىلعان پاكەت تە لاقتىرعان كورىنەدى. ەگەر ەسكە سالا كەتسەك, رەيحەنباح پەن ونىڭ جۇمىس توبى گرەكياعا ەل ەكونوميكاسى سالاسىندا قۇرىلىمدىق رەفورمالار جۇرگىزۋگە كومەك كورسەتۋمەن اينالىسۋدا. دەي تۇرساق تا, گرەكيانىڭ وزىندە قاتاڭ بيۋدجەتتىك ۇنەمدەۋ شارالارىنىڭ قالىڭ جۇرتشىلىق اراسىندا ۇلكەن قارسىلىققا تاپ بولىپ وتىرعانىن دا ايتا كەتۋ قاجەت.
كەزدەسۋ ءپىشىنى وزگەرەتىن بولدى
رەسەي پرەزيدەنتى ۆ.ءپۋتيننىڭ كەمپ-دەۆيدتە وتەتىن «ۇلكەن سەگىزدىك» كەزدەسۋىنە بارۋدان باس تارتۋىنا بايلانىستى اق ءۇي اقش پرەزيدەنتى ب.وباما مەن رەسەي پرەمەر-ءمينيسترى د.مەدۆەدەۆتىڭ كەزدەسۋىنە وزگەرىستەر ەنگىزەتىن بولدى.
بۇعان دەيىن سامميت شەڭبەرىندە ەكى ەل باسشىلارى اراسىندا تولىققاندى كەلىسسوزدەر ۇيىمداستىرۋ جوسپارلانعان ەكەن. وندا ەۋروپاداعى امەريكالىق زىمىرانعا قارسى قورعانىس جۇيەسى ەلەمەنتتەرىن ورنالاستىرۋ جانە ەكونوميكالىق قىزمەتتەستىك ماسەلەلەرىن تالقىلاۋ دا قاراستىرىلعان كورىنەدى. ەندى وسى كەزدەسۋلەردىڭ ءبارى وتپەيتىن بولىپ وتىر.
راتكو ملاديچ ءىسى قارالۋدا
گااگادا سەرب رەسپۋبليكاسى قارۋلى كۇشتەرى باس شتابىنىڭ بۇرىنعى باستىعى راتكو ءملاديچتىڭ ۇستىنەن سوت پروتسەسى باستالدى.
گەنەرالعا ون ءبىر ءتۇرلى ايىپ, ونىڭ ىشىندە, ازامات سوعىسى جىلدارىندا مۇسىلماندار مەن حورۆاتتاردى قىرعىنعا ۇشىراتتى جانە اسكەري قىلمىستار جاسادى دەگەن ايىپ تاعىلىپ وتىر. اتاپ ايتقاندا, وعان 1995 جىلى سرەبرەنيتسەدە 8 مىڭ ادامدى ولتىرۋگە قاتىسى بار دەگەن ايىپ تاعىلۋدا. وسى ورايدا, بۇرىنعى يۋگوسلاۆيا اۋماعىنداعى ازاماتتىق سوعىس سالدارىنان ءجۇز مىڭ ادامنىڭ قۇربان بولعانىن ايتا كەتۋ كەرەك.
ينتەرنەت ماتەريالدارى نەگىزىندە ازىرلەندى.