سارسەنبى, 11 ءساۋىر 2012 7:19
9 ساۋىردە سيريادا ۇكىمەت اسكەرلەرىنىڭ ب ۇلىكشىلەر پوزيتسياسىنا شابۋىلى سالدارىنان ءبىر كۇندە ءجۇزدەن استام ادام قازا تاپتى. وپات بولعانداردىڭ 19-ى سيريا قاۋىپسىزدىك كۇشتەرىنىڭ قىزمەتكەرلەرى بولسا, 8-ءى ب ۇلىكشىلەر, ال قالعاندارى بەيبىت تۇرعىندار دەلىنىپ وتىر.
نەگىزگى قاقتىعىستار ەلدىڭ ورتالىعىنداعى حاما پروۆينتسياسىندا ورىن العان. كۇندىز سيريا اسكەرلەرى لاتامنا قالاسىنا قارۋلى وپەراتسيالار جۇرگىزىپ, سودان كەيىن كفار زەيف ەلدى مەكەنىندە ب ۇلىكشىلەرمەن ۇرىسقا كىرگەن. قۇقىق قورعاۋشىلاردىڭ دەرەكتەرى بويىنشا, اسكەريلەرگە اۋەدەن تىكۇشاقتار قولداۋ كورسەتكەن.
سارسەنبى, 11 ءساۋىر 2012 7:19
9 ساۋىردە سيريادا ۇكىمەت اسكەرلەرىنىڭ ب ۇلىكشىلەر پوزيتسياسىنا شابۋىلى سالدارىنان ءبىر كۇندە ءجۇزدەن استام ادام قازا تاپتى. وپات بولعانداردىڭ 19-ى سيريا قاۋىپسىزدىك كۇشتەرىنىڭ قىزمەتكەرلەرى بولسا, 8-ءى ب ۇلىكشىلەر, ال قالعاندارى بەيبىت تۇرعىندار دەلىنىپ وتىر.
نەگىزگى قاقتىعىستار ەلدىڭ ورتالىعىنداعى حاما پروۆينتسياسىندا ورىن العان. كۇندىز سيريا اسكەرلەرى لاتامنا قالاسىنا قارۋلى وپەراتسيالار جۇرگىزىپ, سودان كەيىن كفار زەيف ەلدى مەكەنىندە ب ۇلىكشىلەرمەن ۇرىسقا كىرگەن. قۇقىق قورعاۋشىلاردىڭ دەرەكتەرى بويىنشا, اسكەريلەرگە اۋەدەن تىكۇشاقتار قولداۋ كورسەتكەن.
كاچينسكي قازاسىنىڭ جىلدىعى اتالدى
وسىدان ەكى جىل بۇرىن سمولەنسك اۋەجايىنا قونار كەزدە پولشا پرەزيدەنتى لەح كاچينسكي مىنگەن تۋ-154 ۇشاعى اپاتقا ۇشىراعانى بەلگىلى. پرەزيدەنتپەن بىرگە ارالارىندا جوعارى شەندى لاۋازىم يەلەرى بار 95 ادام قازا تاپقانى دا ۇمىتىلا قويماسا كەرەك.
پولشا دەلەگاتسياسى رەسەيگە كاتىنداعى قارالى شاراعا قاتىسۋ ءۇشىن ۇشقان ەدى. مىنە, كەشە پولشادا ەل پرەزيدەنتى لەح كاچينسكي قازاسىنىڭ ءبىر جىلدىعىنا ارنالعان ميتينگ بولىپ ءوتتى. ميتينگ پوۆونزكي زيراتىندا ۇيىمداستىرىلدى. جالپى, پولياك تارابى اپاتقا رەسەي جاعىن ايىپتايدى. ال رەسەي مەن پولشا قوسىلىپ قۇرعان كوميسسيا اپاتقا اۋا رايى مەن ادام فاكتورى سەبەپكەر دەگەن قورىتىندى شىعارعان بولاتىن.
روبەرت مۋگابە حال ۇستىندە جاتىر
زيمبابۆە پرەزيدەنتى روبەرت مۋگابە ءولىم اۋزىندا جاتىر, دەپ حابارلادى جەرگىلىكتى باق-تارعا سىلتەمە جاساي وتىرىپ, اۆس News باسىلىمى. كەشە گازەتتەر 88 جاستاعى ساياساتكەردىڭ سينگاپۋرداعى ونكولوگيالىق كلينيكادا جاتقانىن جازدى. ول راكپەن اۋىرادى ەكەن.
سىرقاتىنا بايلانىستى ر.مۋگابە مينيسترلەر كابينەتىنىڭ سوڭعى ماجىلىسىنە دە قاتىسپاپتى. The Daily Mail اگەنتتىگىنىڭ اقپاراتى بويىنشا, پرەزيدەنت قازىردىڭ وزىندە ءوزىنىڭ وكىلەتتىگىن زيمبابۆە قورعانىس ءمينيسترى ەممەرسن مناگاگۆەگە بەرۋگە كەلىسىمىن بەرىپتى. ر.مۋگابە پرەزيدەنتتىك لاۋازىمعا 1988 جىلى كەلگەن بولاتىن.
پارسى شىعاناعىندا – ەكىنشى اۆيانوسەتس
اقش اسكەري-تەڭىز كۇشتەرىنىڭ كوماندوۆانيەسى پارسى شىعاناعىنا ەكىنشى ەكپىندى اۆيانوسەتسىن اتتاندىردى. ول اسكەري كەزەكشىلىككە ءوزى تەكتەس اۆيانوسەتسپەن قاتار تۇراتىن بولادى. شىعاناققا العاش بولىپ جەتكەن اۆيانوسەتس «اۆراام لينكولن» اتالسا, ەندى كەلىپ جەتەتىنى «ەنتەرپرايس» اتالادى.
اقش اسكەري-تەڭىز كۇشتەرى بەسىنشى فلوتى كوماندوۆانيەسىنىڭ وكىلى ەمي دەرريك-فروست حانىمنىڭ ءمالىمدەۋىنشە, سوڭعى ون جىلدا پارسى شىعاناعى اكۆاتورياسىنا ەكى اۆيانوسەتس قاتارىنان ءتورتىنشى رەت كەزەكشىلىككە تۇرماق ەكەن. سونىمەن ءبىر مەزگىلدە, دەرريك-فروست حانىم وقيعانى يرانمەن بايلانىستىرۋدان باس تارتقان. اۆيانوسەتستەر اقش اسكەرلەرىنىڭ اۋعانستانداعى ءىس-قيمىلىنا جانە سومالي جاعالاۋلارىنداعى پيراتتارمەن كۇرەسكە قولداۋ كورسەتۋمەن عانا اينالىساتىن بولادى, دەيدى ول.
ەندى ب ۇلىكشىلەردى قارجىلاندىرمايدى
ليۆيا باسشىلىعى كەڭ اۋقىمدى قارجى بۇزۋشىلىقتار انىقتالۋىنا بايلانىستى مۋاممار كاددافي اسكەرلەرىنە قارسى سوعىس قيمىلدارىنا قاتىسقان بۇرىنعى ب ۇلىكشىلەرگە سىياقى تولەۋدى توقتاتىپ تاستادى. بۇل جونىندە «فرانس-پرەسس» اگەنتتىگى حابارلادى.
كەڭ كولەمدەگى قارجى بۇزۋشىلىقتار سالدارىنان توڭكەرىسشىلەرگە ارنالعان ميلليونداعان دينار جەلگە ۇشقاندىقتان, ءتيىستى سىياقى بەرۋ توقتاتىلادى. ويتكەنى, سىياقى الۋعا قۇقى جوق ادامدار زاڭسىز اقشاعا يە بولعان, دەپ مالىمدەدى ۇلتتىق وتپەلى كەڭەستىڭ رەسمي وكىلى موحاممەد حاريزي. قازىر م.حاريزي ليۆيا بيلىگىنىڭ باسىندا وتىر. سىياقى تولەۋدىڭ توقتاتىلۋىنا بايلانىستى قارۋلى قارسىلىققا قاتىسۋشىلار وزدەرىنىڭ نارازىلىقتارىن ءبىلدىرىپ جاتىر.
گرەكتەر كەشەگى كۇنىن ارماندايدى
9 ساۋىرگە قاراعان ءتۇنى گرەكيا اكىمشىلىك رەفورما مينيسترلىگىندە ءورت شىقتى. ءورت تۇتانعىش قوسپاسى بار بوتەلكەنىڭ عيماراتقا لاقتىرىلۋىنان شىققان. ءورت سالدارىنان عيماراتتىڭ ءبىرىنشى قاباتى تولىقتاي جانىپ كەتسە, قوسىمشا قۇرىلىستار مەن جاقىن قويىلعان اۆتوكولىكتەر دە زارداپ شەككەن.
جەرگىلىكتى پوليتسيا كۇدىككە ۇكىمەتكە قارسى باس كوتەرگەن دەمونسترانتتاردى الىپ وتىر. ويتكەنى, ولار بۇعان دەيىن وسىنداي ادىسپەن بىرنەشە بانكتى, ۇكىمەتتىك عيماراتتاردى, شەتەلدىك ەلشىلىكتەر مەن ءىرى كومپانيالاردىڭ وكىلدىكتەرىن ورتەۋگە ارەكەتتەنگەن ەكەن. قازىرگى كەزدە گرەكيا اۋىر قارجى جانە بيۋدجەت داعدارىسىن باستان كەشىپ جاتىر. وسىعان وراي شىعىندار دا قىسقارتىلۋدا. بۇعان دەيىن كەڭ-مولىنان ءومىر ءسۇرىپ قالعان كوپشىلىك وسىعان نارازى.
قىسقا قايىرىپ ايتقاندا:
* رەسەي سيرياعا ءوزىنىڭ بايقاۋشىلارىن جىبەرۋگە كەلىسىمىن بەرگەن. بۇل تۋرالى كەشە رەسەي سىرتقى ىستەر ءمينيسترى سەرگەي لاۆروۆ حابارلادى. رەسەي بيلىگى بۇل قادامعا بۇۇ حاتشىلىعىنىڭ وتىنىشىنە وراي بارىپ وتىر, دەدى س.لاۆروۆ. كەشە سيريانى بەيبىت رەتتەۋ جوسپارىنا سايكەس, اسكەرلەردى ب ۇلىكشىل قالالاردان شىعارۋ مەرزىمى اياقتالعانىن دا ايتا كەتەيىك.
* گرۋزيا كەڭەستىك ديكتاتور يوسيف ءستاليننىڭ تۋعان قالاسى – گوريدە ورنالاسقان ونىڭ اتىنداعى مۇراجايدى ستاليندىك رەپرەسسيا قۇرباندارىنا ارنالعان مۇراجاي ەتىپ قايتا جاسايتىن بولدى. بۇل مۇراجايدىڭ ىرگەسى لاۆرەنتي بەريانىڭ باستاماسىمەن كەڭەستىك ديكتاتوردىڭ كوزى ءتىرى 1937 جىلى قالانعان بولاتىن. سول كەزدە ل.بەريا گرۋزيا كومپارتياسى ورتالىق كوميتەتىنىڭ ءبىرىنشى حاتشىسى ەدى.
ينتەرنەت ماتەريالدارى نەگىزىندە ازىرلەندى.