جاسىل الاڭدا جارقىلداپ

جۇما, 9 قاراشا 2012 7:14

انا رەتىندە ءسىز, ەڭ ءبىرىنشى, ءوز بالاڭىزدىڭ دەنساۋلىعىن ويلايسىز. ءنارلى ءارى پايدالى تاماق, ۇيقى, تازا اۋا, تازالىق, جىلۋ مەن جايلىلىق – مىنە, بالاعا بەرىلەتىن نارسەلەردىڭ تولىق ەمەس ءتىزىمى وسى. بالا مەكتەپ جاسىنا كەلگەندە ۋايىم مەن ابىرجۋ ارتا تۇسەدى. بالاڭىزدىڭ بەلسەندىلىگى دە ارتادى, مۇنداي جاعدايدا ونىڭ قۋاتىن پايدالى ىسكە باعىتتاۋعا  تىرىساسىز. سپورتپەن شۇعىلدانۋ – ەڭ قاجەتتى ءىس. بۇل دەنساۋلىققا دا پايدالى ءارى بالانىڭ بويىندا جەڭىسكە جەتۋ رۋحى مەن ەرىكتى دە تاربيەلەيدى. ءسىزدىڭ ۇلىڭىز نە تاڭدار ەكەن؟ كوپتەگەن بالالارمەن قاتار فۋتبولدى تاڭدايتىن شىعار؟

جۇما, 9 قاراشا 2012 7:14

انا رەتىندە ءسىز, ەڭ ءبىرىنشى, ءوز بالاڭىزدىڭ دەنساۋلىعىن ويلايسىز. ءنارلى ءارى پايدالى تاماق, ۇيقى, تازا اۋا, تازالىق, جىلۋ مەن جايلىلىق – مىنە, بالاعا بەرىلەتىن نارسەلەردىڭ تولىق ەمەس ءتىزىمى وسى. بالا مەكتەپ جاسىنا كەلگەندە ۋايىم مەن ابىرجۋ ارتا تۇسەدى. بالاڭىزدىڭ بەلسەندىلىگى دە ارتادى, مۇنداي جاعدايدا ونىڭ قۋاتىن پايدالى ىسكە باعىتتاۋعا  تىرىساسىز. سپورتپەن شۇعىلدانۋ – ەڭ قاجەتتى ءىس. بۇل دەنساۋلىققا دا پايدالى ءارى بالانىڭ بويىندا جەڭىسكە جەتۋ رۋحى مەن ەرىكتى دە تاربيەلەيدى. ءسىزدىڭ ۇلىڭىز نە تاڭدار ەكەن؟ كوپتەگەن بالالارمەن قاتار فۋتبولدى تاڭدايتىن شىعار؟

فۋتبول ۇلدار ءۇشىن ەڭ تۇسىنىكتى, قۇمارتا وينايتىن كوپشىلىك ويىن. كەز كەلگەن اۋلادا جانە مەكتەپتە ولار دوپ تەۋىپ, دوستارىمەن اسىر سالىپ ويناپ جۇرەدى. بىرەۋى وسكەن سوڭ ويىندى ۇمى­تادى, ەندى بىرەۋى جوعارى ليگا فۋتبولشىسى, ستاديون جۇلدىزى, ميلليون­دا­­عان ادامنىڭ كوزايىمى بولۋدى ارمانداپ ءومىر سۇرەدى. تاپ سولار ءۇشىن 2006 جىلى مەكتەپ فۋتبول اۋەسقويلارىنىڭ توپتارى اراسىندا «Coca-Cola بىلعارى دوپ» فۋتبولدان جاسوسپىرىمدەر جارىسى ۇيىمداستىرىلعان بولاتىن. بۇل جارىس – قازاقستان فۋتبول فەدەراتسياسى مەن Coca-Cola كومپانياسىنىڭ باستاماسى. جوبا ماقساتتارىنىڭ ءبىرى – جاس­وس­پىر­ىم­دەر فۋتبولىنا قولداۋ كورسەتۋ, بالا­لارعا كاسىبي فۋتبولعا جەتۋ ارماندارىن جاقىنداتا تۇسۋگە كومەك بەرۋ. بۇل جارىستا ءسىزدىڭ بالاڭىز تەك كۇش­تىرەك, مىقتىراق ءارى توزىمدىرەك بولىپ قانا قويماي, سپورت مانسابىندا جوعارى كوتەرىلۋگە بارلىق مۇمكىندىككە يە بولاتىنىن ايتۋدىڭ دا قاجەتى جوق شىعار؟جارىستىڭ العاشقى جىلدارىندا, نەگىزىندە, ءىرى قالالاردىڭ مەكتەپ وقۋ­شى­لارى قاتىساتىن. بىراق جىلدان جىل­عا جاسقانشاقتار ازايىپ, كوماندالار كوبەيە باستادى. قازاقستاننىڭ تۇك­پىر-تۇكپىرىنەن وبلىستار مەن اۋىل مەك­تەپتەرىنىڭ كوماندالارى – ءبارى دە وينادى. بۇگىن «Coca-Cola بىلعارى دوپ» جارىسىنا ەلىمىزدىڭ 5 500 مەكتەبىنىڭ 350 000 وقۋشىسى قاتىسادى, وسىلايشا بۇل جارىس  قازاقستانداعى ەڭ اۋقىمدى بالالار جارىسىنا اينالىپ وتىر. جا­رىس­تىڭ ماڭىزدىلىعى مەن ءسىزدىڭ بالا­ڭىز ءۇشىن ناقتى كەلەشەگى بار ەكەنىن ۋەفا پرەزيدەنتى ءوزى قول قويىپ بەرگەن  «الەم­دە بالالار مەن جاسوسپىرىمدەر فۋت­بولىن دامىتۋداعى ەڭ قۇندى وقيعا» ديپلومى راستايدى.كەلەشەك تۋرالى ايتا كەتەتىن بول­ساق: 2008 جىلى  برازيليا مەن قازاق­ستاننىڭ ىنتىماقتاستىعى شەڭبەرىندە ءبىزدىڭ 26 جاس فۋتبولشىمىز سان-پاۋ­لۋعا «ولە برازيل» فۋتبول اكادەمياسىنا شەبەر ويىندى ۇيرەنۋگە جىبەرىلدى. ولاردىڭ 14-ءى «Coca-Cola بىلعارى دوپ» قاتىسۋشىلارىنان ىرىكتەپ الىنعان بولاتىن. تالدىقورعاندىق راۋان ساريەۆ دەگەن ءجاسوسپىرىمدى ەرەكشە اتاپ كەتكەن ءجون. ونى  برازيليالىق «اتلەتيكو مينەيرو» كلۋبىنىڭ جاتتىقتىرۋشىلارى بايقاپ قالىپ, جاسوسپىرىمدەر قۇراما كومانداسىنا شاقىرادى. كومانداداعى ەڭ ءبىرىنشى جانە جالعىز شەتەلدىك, بارىنەن دە كىشى راۋان, كوماندانى ميناس-جەيراس شتاتىنىڭ چەمپيونات فينالىنا جەتكىزەدى. ول كەزدە ول 16 جاسقا دا تولماعان! قازىر ول «بوتافوگو» كلۋبىندا وينايدى. كىم ءبىلسىن, مۇمكىن فۋتبولدىڭ كەلەسى جۇلدىزى ءسىزدىڭ ۇلىڭىز بولاتىن شىعار.

«Coca-Cola بىلعارى دوپ» جارىسى تانىمال بولىپ كەلەدى, سوندىقتان ءوت­كەن ماۋسىمنان باستاپ ۇيىمداستى­رۋ­شىلار ونى جىل سايىن «كۇز-كوكتەم» ستاندارتى بويىنشا وتكىزۋدى شەشتى. 2012 جىلدىڭ قىركۇيەگىندە «Coca-Cola بىلعارى دوپ» 2012-2013 ماۋسىمى باستالدى. بۇل كۇزدە كىشى, ورتا جانە ۇلكەن – ءۇش جاس توپتارى اراسىندا ىرىك­تەۋ كەزەڭدەرى وتكىزىلەدى. كەلەسى جىلدىڭ كوكتەمىندە ىرىكتەۋ كەزەڭىنىڭ جەڭىمپاز­دارى كەزدەسەدى. ولار چەمپيون اتاعى ءۇشىن كۇرەسپەك. جەڭىمپاز كوماندالاردى انىقتايتىن فينالدىق ويىندار ءۇش قالادا  – تاراز, سەمەي جانە قاراعان­دى­دا وتەدى.ءسىزدىڭ جاس پەلەڭىز بۇدان نە ۇتار؟ جارىستار كەزەگى 2014 جىلى وتەتىن ءبۇ­كىل الەمنەن ءجاسوسپىرىم كوماندالارى قاتى­ساتىن Copa Coca-Cola (كوپا كوكا-كولا) حالىقارالىق فۋتبول جارىسىمەن اياق­تا­لادى, ال قازاقستاندىق «Coca-Cola بىل­عارى دوپ» فۋتبول جارىسى وسى جىلدان باستاپ ونىڭ ءبىر بولىگىنە اينالادى. ءۇل­كەن جاس توبىنىڭ چەمپيون-كومانداسى تاپ سول جەرگە, الەمنىڭ باستى فۋتبول الاڭدارىنىڭ بىرىنە ساپار شەگەدى! مىسالى, بىلتىرعى جارىس چەمپيوندارى (№ 13 مەكتەپ, الماتى وبلىسى, ىلە اۋدانى) مادريدتەگى Copa Coca-Cola (كوپا كوكا-كولا) حالىق­ارا­لىق جارىسىنا قا­تىسىپ, مادريدتىك «رەال­دىڭ» ءوز الا­ڭىن­دا – سانتياگو بەرنابەۋدە وينادى.ورتا جانە كىشى جاس توپتارى «Coca-Cola بىلعارى دوپ» سياقتى ەلەۋلى جارىسقا قاتىسۋدان تاماشا تاجىريبە الىپ, كەلەشەكتە ەل نامىسىن قورعاۋعا زور مۇمكىندىككە يە بولادى. سونىمەن بىرگە, جەڭىمپاز كوماندالاردىڭ ۇشەۋى بىردەي ۇيىمداستىرۋشىلاردىڭ قولى­نان جۇلدەلەر الادى!ەڭ باستىسى – ءدال وسى «Coca-Cola بىلعارى دوپتان» ءسىزدىڭ بالاڭىز مان­­­ساپتىڭ شىڭىنا شىعۋى مۇمكىن, ءويت­كەنى ماتچتارعا ءوز كوماندالارىنا «جاڭا كۇش» ىزدەپ كەلەتىن تەك وتاندىق قانا ەمەس, شەتەلدىك تە جاتتىق­تىرۋ­شىلار كەلىپ قاتىسادى.وعان قالاي قاتىسۋعا بولادى؟ وڭاي. ەگەر ءسىزدىڭ بالاڭىز مەكتەپ كومانداسىندا ويناپ جۇرگەن بولسا, ولار مەكتەپ ديرەكتورىنا بارىپ, «Coca-Cola بىل­عارى دوپقا» قاتىسۋ تۋرالى ءوتىنىش­تە­رىن بەرسە بولادى. ۇلىڭىز ءوز ءومىرىن فۋتبولمەن باي­لا­نىستىرعىسى كەلە مە, جوق پا, سونى سۇ­راڭىز دا, وعان قولداۋ كورسەتىڭىز!  ءسىز­دىڭ ماقتانىشىڭىز بۇكىل ەل ماقتا­نى­شىنا اينالسىن. قازاقستان فۋتبول فەدەراتسياسى مەن Coca-Cola كومپانياسى ونى بارىنشا قولداۋعا دايىن.