تۋريزم جانە سپورت مينيسترلىگىندە تۋريزم جانە سپورت سالالارىنىڭ قىزمەتكەرلەرىنە مەملەكەتتىك ناگرادالار مەن مەرەيتويلىق مەدالداردى سالتاناتتى تابىستاۋ ءراسىمى بولىپ ءوتتى.
ەل تاۋەلسىزدىگىنىڭ 20 جىلدىعىن مەرەكەلەۋگە وراي وتكەن كەڭەيتىلگەن جيىنعا تۋريزم جانە سپورت ءمينيسترى تالعات ەرمەگياەۆ توراعالىق ەتتى.
ءوزىنىڭ قۇتتىقتاۋ سوزىندە مينيستر تۋريزم جانە سپورت سالالارىنىڭ بارلىق وكىلدەرىن ەلىمىزدىڭ تاۋەلسىزدىك كۇنىمەن قۇتتىقتادى جانە ەلىمىزدىڭ وڭ جەتىستىكتەرىن ايتا كەلە, وعان تۋريزم جانە سپورت سالاسى قىزمەتكەرلەرىنىڭ قوسقان ۇلەسىن اتاپ ءوتتى.
سالتاناتتى جيىندا ت. ەرمەگياەۆ مەملەكەتتىك ناگرادالار مەن مەرەيتويلىق مەدالداردى تابىس ەتتى.
«قۇرمەت» وردەنىمەن سپورت سالاسىنىڭ بەس وكىلى ماراپاتتالدى, ونىڭ ىشىندە 10 جىلدا الەمنىڭ 8000 مەتردەن بيىك شىڭدارىنا 14 رەت شىعىپ ۇلگەرگەن قازاقستاندىق الپينيست, قازاقستان رەسپۋبليكاسىنىڭ الپينيزمنەن سپورت شەبەرى, ەلىمىزدە الپينيزم بويىنشا وتكەن بىرىنشىلىكتەردىڭ بىرنەشە دۇركىن چەمپيونى جانە جۇلدەگەرى, 2010 جىلدىڭ قورىتىندىسى بويىنشا قازاقستاننىڭ جوعارى ساناتتى قازىرگى چەمپيونى, تمد ءالپينيزمىنىڭ اشىق چەمپيوناتىنىڭ بىرنەشە دۇركىن چەمپيونى جانە جۇلدەگەرى ماقسۇت جۇماەۆ بار.
بەس ادام «ەرەن ەڭبەگى ءۇشىن» مەدالىمەن ماراپاتتالدى, ونىڭ ىشىندە حالىقارالىق گروسسمەيستەر, قازاقستان رەسپۋبليكاسىنىڭ ەڭبەك سىڭىرگەن جاتتىقتىرۋشىسى بولات اسانوۆ, مينيسترلىكتىڭ سپورت ىستەرى جونىندەگى كوميتەتىنىڭ «ۇلتتىق شتاتتىق كوماندالار جانە سپورت رەزەرۆى ديرەكتسياسى» رمقك شورت-ترەكتەن باس جاتتىقتىرۋشىسى مادىعالي قارسىبەكوۆ بولسا, «قازاقستاننىڭ ەڭبەك ءسىڭىرگەن قايراتكەرى» قۇرمەتتى اتاعى «قاجىمۇقان مۇڭايتپاس ۇلى اتىنداعى سپورتتا دارىندى بالالارعا ارنالعان رەسپۋبليكالىق مەكتەپ-ينتەرنات» مم ديرەكتورى سەرىك تۇكەەۆكە تابىستالدى.
بۇگىندە رەسپۋبليكالىق ءمادەني ورتالىقتىڭ باسىندا وتىرعاندار – ىسكەر ادامدار. شەلەكتەگى قازاق-ۇيعىر مەكتەبىنە ۇيعىر مادەنيەت ورتالىعىنان 500 مىڭ تەڭگە جاردەمپۇل ءبولىندى. بۇدان باسقا پانفيلوۆ, ەڭبەكشىقازاق, ۇيعىر اۋداندارىنداعى, الماتى قالاسىنداعى بىرنەشە ۇيعىر مەكتەبىنە قولىنان كەلگەنشە كومەكتەستى. ماسەلەن, پانفيلوۆ اۋدانى 80 جىلدىعىن اتاپ وتكەندە مادەنيەت ورتالىعى ارداگەرلەرگە ارناپ 2-3 كولىك سىيلادى. ولار قانداي دا ءبىر شارا بولسا, جۇمىلعان جۇدىرىقشا كىرىسىپ كەتەدى. سونداي-اق ۇيعىر جاستارىن گرانت ەسەبىنەن جوعارى وقۋ ورنىنا ءتۇسىرۋ جاعىنا دا كوڭىل بولۋدە. مادەني بىرلەستىكتەر بۇل ءىستى اتقارۋدا جەرگىلىكتى اتقارۋشى بيلىك وكىلدەرىمەن, «قازاق ءتىلى» قوعامىمەن تىعىز بايلانىس ورناتىپ, ءتىل تابىسىپ كەلەدى. دەمەك, مىناۋ قازاقتىڭ, مىناۋ ۇيعىردىڭ ماسەلەسى دەگەن اڭگىمە جوق. بۇل شارۋالار بارىمىزگە ورتاق.
تاعى ءبىر ايتا كەتەتىن ءجايت, اسسامبلەيا باسشىلارى قازاقستاندا تۇراتىن ءاربىر ۇلت وكىلدەرىمەن تۇراقتى تۇردە ءجيى كەزدەسۋلەر وتكىزەدى. مىسالى, قحا توراعاسىنىڭ ورىنباسارى ەرالى توعجانوۆ الماتى قالاسى مەن وسى وبلىستىڭ ۇيعىر جانە پانفيلوۆ اۋداندارىنداعى ۇيعىر ۇلتىنىڭ وكىلدەرىمەن ءبىر جىلدا بىرنەشە كەزدەسۋ وتكىزدى. قازاق پەن ۇيعىر زيالىلارى قاتىسقان سونداي ءبىر باسقوسۋدا وتكىر ماسەلەلەر توڭىرەگىندە ءاڭگىمە قوزعاپ, كەيبىر ادامداردى مازالاعان ماسەلەلەرگە تۇششىمدى جاۋاپ بەردى.
ال ءبىزدىڭ 1957 جىلدان بەرى ۇزدىكسىز شىعىپ كەلە جاتقان «ۋيعىر اۆازي» گازەتى قحا-نىڭ نەگىزى قالانعان كۇننەن باستاپ ونىڭ تىنىس-تىرشىلىگىن, اتقارعان جۇمىستارىن جۇيەلى تۇردە جاريالاپ كەلەدى. گازەتىمىزدىڭ بەتىندە اسسامبلەيانىڭ قول جەتكىزگەن تابىس-تارى مەن قىزمەتىنە ارنالعان ماقالالار كوپ. مۇندا بارلىق ەتنومادەني بىرلەستىكتەردىڭ تىنىس-تىرشىلىگى قامتىلادى.
جوعارىدا قازاق پەن ۇيعىردىڭ تاتۋ-ءتاتتى تۇراتىن ەگىز حالىق ەكەنىن ايتقان ەدىم. سوعان دالەل رەتىندە مىنا ءبىر دۇنيەلەردى تىلگە تيەك ەتۋدى ءجون ساناپ وتىرمىن. ءوزىم قازاقتىلدى اقىن-جازۋشىلارمەن, جۋرناليستەرمەن وتە جاقىن دوسپىن. ومىردەن وزعان كامال سمايىلوۆ, قالتاي مۇحامەدجانوۆ, تۇمانباي مولداعاليەۆ سياقتى اعالارمەن, قۇرداسىم باققوجا مۇقايمەن سىيلاس بولعانىمدى ماقتان تۇتامىن. سول كىسىلەردەن كوپ نارسەنى ۇيرەندىم. كەشە قازاقستاننىڭ حالىق جازۋشىسى, اقىن تۇمانباي مولداعاليەۆ اعامىز ومىردەن وتكەندە كوڭىلىم قاتتى قۇلازىدى. تۇمەكەڭدى اقتىق ساپارعا شىعارىپ سالعان كۇنى گازەتىمىزگە ۇلكەن ماتەريال جازدىم. ءتىپتى, اعالى-ءىنىلى بولىپ كەتكەندىكتەن بە, ەردىڭ جاسى – ەلۋگە كەلگەنىمدە تۇمانباي اعام ماعان ءازىل-شىنى ارالاس ولەڭ ارناعان بولاتىن. ونىڭ ءبىر شۋماعىندا:
بۇل ءوزى بيىك ۇيعىر, اسپان ۇيعىر,
ۇيرەنگەن تاربيەگە جاستان ۇيعىر.
شەرلەرىن تۇمانبايدىڭ سۇراتپاي-اق
جىل سايىن گازەتىنە باسقان ۇيعىر...
– دەپ كەلەتىن جەرى بار. مىنە, تۇمانباي اعامەن رۋحاني جاقىنداستىرعان سول كۇندەر مەن ءۇشىن ماڭگى ەستەلىك ىسپەتتەس.
مۇنداي دوستىق قارىم-قاتىناس زيا ءساميدي مەن ءسابيت مۇقانوۆتىڭ اراسىندا دا بولعان. ءسابيت مۇقانوۆتىڭ «قاشقار قىزى» پەساسىنىڭ ۇيعىر تەاترىندا ۇيعىر تىلىنە اۋدارىلىپ ساحنالانۋىنا زيا ءساميدي كوپ ەڭبەك سىڭىرگەن ەكەن. سونداي-اق كومپوزيتورلار قۇددىس قوجامياروۆ پەن ەركەعالي راحماديەۆ, اكادەميكتەر حوجاحمەت سادۋاقاسوۆ پەن ءابدۋالي قايداردىڭ, جازۋشىلار حيزمەت ابدۋللين مەن قۋاندىق شاڭعىتباەۆ, شايىم شاۆاەۆ پەن باقىتجان مومىش ۇلىنىڭ ادال دوستىقتى باعالاي بىلگەن جاندار ەكەنىن بىلەمىز.
ەلىمىز تاۋەلسىزدىگىنىڭ 20 جىلدىعىن تويلاۋ ۇستىندە. بۇل – قازاق حالقىنىڭ عانا ەمەس, قازاقستاندا ءومىر سۇرەتىن بارلىق ۇلت وكىلدەرىنىڭ اسىعا كۇتكەن مەيرامى. تاۋەلسىزدىك – ءاربىر ازاماتتىڭ كەۋدەسىنە پاتريوتتىق رۋح بەرىپ, وتاندى, ەلدى, جەردى سۇيۋگە ەرەكشە كۇش-قۋات بەرەتىن ءتاتتى ۇعىم. ءبىز بۇل ايتۋلى كۇندى ءوز دەڭگەيىندە مازمۇندى ءارى ماعىنالى تۇردە اتاپ ءوتۋىمىز كەرەك. وسى لەپپەن الدا كەلە جاتقان پارلامەنت سايلاۋىنا دا ءبىر كىسىدەي اتسالىسساق دەيمىن. ەلباسىنىڭ ءوزى: «دەموكراتيالىق قوعامدا پارلامەنت كەمىندە ەكى پارتيالى بولۋى ءتيىس», دەگەن بولاتىن. سوندىقتان دا تاۋەلسىزدىكتىڭ ايشىقتارىن اجارلاندىرا تۇسەمىز دەسەك, ءبارىمىز دەموكراتيالىق سايلاۋدىڭ ويداعىداي وتۋىنە ءوز ۇلەسىمىزدى قوسايىق.
داستان كەنجالين.
الماتى.