اقتوبەگە جۇمىس ساپارىمەن كەلگەن قازاقستان مۇسىلماندارى ءدىني باسقارماسىنىڭ توراعاسى, باس ءمۇفتي ءابساتتار قاجى دەربىسالى باستاعان ءبىر توپ تەولوگ-عالىمدار «دوستىق» ۇيىندە وتكىزىلگەن «يسلام – ىنتىماق پەن بىرلىك ءدىنى» اتتى عىلىمي-تانىمدىق كونفەرەنتسياعا قاتىستى. «نۇر-مۇباراك» ەگيپەت يسلام ۋنيۆەرسيتەتىنىڭ پرورەكتورى شامشەدين كەرىم, وسى جوعارى وقۋ ورنىنىڭ دەكانى مۇحاممەد ماحفۋز, تەولوگ اسقار سابدين جانە باسقالارى يسلام ءدىنى, ونىڭ ەرەكشەلىكتەرى, يماندىلىق, ءداستۇرلى دىندەردىڭ جانە جات پيعىلداعى ءدىني اعىمداردىڭ ايىرماشىلىقتارى تۋرالى تاعىلىمدىق باياندامالار جاسادى. ولار يسلام الەمى, ءدىني تەرروريزم, مۇسىلماندىق ادەپتەر, ءابۋ حانيفا مازحابى تۋرالى جان-جاقتى اڭگىمەلەدى, ءدىني سەنىمگە قاتىستى كوپتەگەن جايتتەرگە تۇسىنىك بەردى.
تەولوگ-عالىمدار وڭىرگە جۇمىس ساپارى بارىسىندا مارات وسپانوۆ اتىنداعى باتىس قازاقستان مەملەكەتتىك ۋنيۆەرسيتەتىنىڭ ستۋدەنت-جاستارىمەن كەزدەستى.
ساتىبالدى ءساۋىرباي,
اقتوبە.