قۇرلىقتىق حوككەي ليگاسىنىڭ تۇراقتى چەمپيوناتىندا استانانىڭ «بارىسى» ءوز ايدىنىندا «امۋر» كومانداسىن قابىلداپ, 2:1 ەسەبىمەن باسىم ءتۇستى.
ماتچتىڭ العاشقى كەزەڭىندە بارىنشا شابۋىلعا كوڭىل بولگەن ايدىن يەلەرى 8-مينۋتتا ەسەپ اشتى. نايدجەل دوۋس باعىتتاعان سوققى كوزدەگەن جەردەن ءدال تابىلدى. بۇل تۇستا «بارىستىڭ» ويىنشى باسىمدىعىنا يە بولعانىن ايتا كەتكەن ءجون.
كەزدەسۋدىڭ ەكىنشى كەزەڭىندە قوس كوماندا قاۋىپتى شابۋىلدار ۇيىمداستىرعانمەن, گول سوعىلمادى.
سوڭعى 20 مينۋتتا قوناقتاردىڭ بەلسەندىلىگى بايقالدى. ويىننىڭ اياقتالۋىنا 8 مينۋت قالعاندا تەەمۋ رامستەدت مەرگەندىگىمەن كوزگە ءتۇسىپ, ەسەپتى تەڭەستىرىپ كەتتى. نەگىزگى ۋاقىتتىڭ سوڭىنا دەيىن وسى ەسەپ ساقتالىپ, جەڭىمپاز وۆەرتايم ارقىلى انىقتالدى. بۇل سىندا ەدۋارد زانكوۆەتس شاكىرتتەرىنىڭ ءبىرى ۆلاديمير مەركەلوۆ جەڭىس شايباسىن سوقتى.
وسىلايشا, 33 ويىننان كەيىن 47 ۇپايى بار «بارىس» «شىعىس» كونفەرەنتسياسىندا 8-ورىنعا قايتا كوتەرىلدى. كەلەسى كەزدەسۋىن 30 قاراشا كۇنى ماسكەۋدە جەرگىلىكتى «دينامو» كومانداسىمەن وتكىزەدى.