اعىمداعى جىلعى قىركۇيەك ايىنىڭ ورتاسىندا وتەتىن «ورتالىق–2011» حالىقارالىق ستراتەگيالىق جاتتىعۋلارى شەڭبەرىندە قازاقستان رەسپۋبليكاسىنىڭ اۋماقتىق سۋلارىنا رەسەي فەدەراتسياسى اسكەري-تەڭىز فلوتى كاسپي فلوتيلياسىنىڭ «گس-202» گيدروگرافيكالىق كەمەسى جىبەرىلدى.
رەسەيلىك «گس-202» قازاقستان رەسپۋبليكاسى قارۋلى كۇشتەرى اسكەري-تەڭىز كۇشتەرىنىڭ «جايىق» گيدروگرافيكالىق كەمەسىمەن بىرلەسىپ, جاتتىعۋ وتەتىن اۋداندا گيدروگرافيكالىق زەرتتەۋلەر جۇرگىزەتىن بولادى.
قازاقستان مەن رەسەي اراسىنداعى اسكەري ىنتىماقتاستىقتىڭ ستراتەگيالىق باعىتىن ەسكەرگەندە, ەكى ەل قارۋلى كۇشتەرىنىڭ بىرلەسىپ وتكىزەتىن وقۋ-جاتتىعۋلارى ماڭىزدى بولىپ تابىلادى. بۇل جاتتىعۋلار ايماقتىق قاۋىپسىزدىك پەن قورعانىس سالاسىنداعى ىنتىماقتاستىق جانە تەرروريزم مەن ەكسترەميزمگە قارسى كۇرەستى بەكىتە تۇسەدى.
وكسانا پارپۋرا, قورعانىس مينيسترلىگى ءباسپاسوز قىزمەتىنىڭ قىزمەتكەرى.