يگىلىكتى ءىس

پرەزيدەنت پوشتاسىنان مەملەكەت باسشىسىنىڭ اتىنا وڭتۇستىك قازاقستان مەملەكەتتىك پەداگوگيكالىق ينستيتۋتى ۇجىمىنان حات كەلىپ ءتۇستى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى. حات يەلەرى وڭتۇستىك وڭىرىندەگى 75 جىلدىق تاريحى بار, پەداگوگتار دايارلايتىن قاراشاڭىراقتاي بايىرعى وقۋ ورنىنىڭ قالپىنا كەلتىرىلىپ, وڭتۇستىك قازاقستان مەملەكەتتىك پەداگوگيكالىق ينستيتۋتى رەتىندە قايتا اشىلۋىنىڭ ەل تاۋەلسىزدىگىنىڭ 20 جىلدىعى قارساڭىنداعى يگىلىكتى ءىس بولعانىن قۋانىشپەن جازادى. ودان ءارى: «اسا مارتەبەلى نۇرسۇلتان ءابىش ۇلى! بۇكىل ەلىمىزدە بولىپ جاتقان وڭ وزگەرىستەر, جوعارى ءبىلىم سالاسىنداعى جەتىستىكتەر ءسىزدىڭ ساپالى ءبىلىم بەرۋ ىسىنە مەملەكەتتىك تۇرعىدان جەتە كوڭىل بولگەنىڭىزدىڭ ارقاسىندا حالىقارالىق ستاندارتتارعا ساي دامىپ وتىرعانىن جۇرتشىلىق قاۋىم جاقسى بىلەدى», دەلىنگەن حاتتا. ەلباسىعا ريزاشىلىق سەزىممەن العىس ايتىپ, زور دەنساۋلىق تىلەگەن ۇجىمدىق حاتقا بەلگىلى عالىمدار – قر مەملەكەتتىك سىيلىعىنىڭ لاۋرەاتى, پروفەسسور ش.مولدابەكوۆ, اكادەميك و.بالابەكوۆ, پروفەسسور ق.يسلامقۇلوۆ, پروفەسسور ءا. مۇساقۇلوۆ, پروفەسسور ك.شويبەكوۆ, پروفەسسور س.سەرماڭىزوۆ جانە ت.ب. قول قويعان.