جەنەۆا كەلىسىمىنە قاتىسۋشى بولىپ تابىلاتىن قازاقستان 2015 جىلعا قاراي تولىقتاي جەر ۇستىندە حابار تاراتۋدىڭ ساندىق فورماتىنا كوشۋگە دايىندالۋدا.
بۇل ەلدىڭ الەۋمەتتىك-ەكونوميكالىق دامۋىنىڭ باسىم باعىتى جانە ونىڭ ءتيىمدى بولۋى ءۇشىن مەملەكەت تاراپىنان ەرەكشە نازار ءبولىنىپ وتىرعان ماڭىزدى مىندەت.
بۇل تۋرالى 8 شىلدە كۇنى ۆەنا قالاسىندا وتكەن ەقىۇ-نىڭ «جاڭا باق-تاردا پىكىر الۋاندىعىن دامىتۋ» اتتى كەڭەسىندە قر بايلانىس جانە اقپارات ۆيتسە-ءمينيسترى نۇراي ورازوۆ ءمالىم ەتتى.
ول سونداي-اق كەلەسى جىلى استانا, الماتى جانە قاراعاندى قالالارىندا ساندىق حابار تاراتۋ ايماعى قۇرىلاتىندىعىن حابارلادى.
2012-2013 جىلدارى ساندىق ەفير قازاقستاننىڭ وبلىس ورتالىقتارى مەن شەكارا ماڭىنداعى اۋداندارىندا جۇمىس ىستەيدى, ال 2015 جىلعا قاراي ساندىق فورماتقا كوشۋ رەسپۋبليكانىڭ بارلىق اۋماعى بويىنشا تولىق اياقتالادى, دەپ حابارلادى «قازاقپارات» اگەنتتىگى.