استاناداعى بەيبىتشىلىك پەن كەلىسىم سارايىندا باستالعان قازاقستان حالقى اسسامبلەياسىنىڭ XXV سەسسياسى الدىندا مەملەكەت باسشىسى ءانشى ديماش قۇدايبەرگەنمەن كەزدەستى. بۇل تۋرالى قازاقپارات حابارلادى.
«ديماش قۇدايبەرگەن دەگەن بالامىزدى باتامدى بەرۋ ءۇشىن قابىلداپ, كەزدەستىم دە, سىزدەرگە ءسال كەشىگىپ قالدىم. باتامدى بەرە وتىرىپ, قازاق دەگەن حالىق وتە جاقسى كورگەننەن قۇشاعىنا قىسىپ ءولتىرىپ جىبەرۋى مۇمكىن, سودان بايقا دەدىم. جاقسى بالا, ەلىمىزدى تانىتتى. تاۋەلسىزدىك جىلدارىندا دۇنيەگە كەلگەن تەكتەردىڭ, اتتاردىڭ ءبىرى. مەن ونى قۇتتىقتاپ, دەنساۋلىعى مەن تالانتىن, ادامي قاسيەتىن ساقتاۋ قاجەتتىگىن ايتتىم», - دەدى اسسامبلەيا سەسسسياسىن اشقان قر پرەزيدەنتى.
ايتا كەتەيىك, كەشە «قازاقستان» ورتالىق كونتسەرت زالىندا «I am singer» بايقاۋىنىڭ ەكىنشى ورىن يەگەرى ديماش قۇدايبەرگەننiڭ قۇرمەتiنە «الەم تانىعان ديماش» مەرەكەلىك شاراسى وتكەن بولاتىن.