كەشە پارلامەنت ءماجىلىسىنىڭ توراعاسى ورال مۇحامەدجانوۆ تمد پارلامەنتارالىق اسسامبلەياسى بايقاۋشىلار ميسسياسىنىڭ ۇيلەستىرۋشىسى – تمد پاا-نىڭ باس حاتشىسى ميحايل كروتوۆپەن كەزدەستى. بۇل باسقوسۋدا قازاقستان رەسپۋبليكاسىنىڭ كەزەكتەن تىس پرەزيدەنتتىك سايلاۋىنا دايىندىق جۇمىستارى ءسوز بولدى, دەپ حابارلادى وسى پالاتانىڭ ءباسپاسوز قىزمەتى.
مەيمان قازاقستاننىڭ دەموكراتيالىق تاجىريبەسى تۋرالى ءسوز قوزعاپ, كانديداتتاردىڭ ۇسىنىلۋى مەن ءتىركەلۋىنە نازار اۋدارعانىن ايتا كەلىپ, باستالعان سايلاۋ ناۋقانىنا وڭ باعا بەردى. ول قازاقستاندا سايلاۋدىڭ حالىقارالىق بايقاۋشىلارىنا جاقسى كوزقاراس قالىپتاسقانىن, ورتالىق سايلاۋ كوميسسياسىمەن ىنتىماقتاستىقتا جۇمىس جۇرگىزىلەتىنىن ءمالىم ەتتى. ميحايل كروتوۆ وسى مالىمەتتەر بەدەلدى حالىقارالىق ۇيىمدارعا جەتكىزىلەتىنىن ايتتى.
سايلاۋدى بايقاۋ جۇمىستارى بارىسىندا مەيمان ەلىمىزدىڭ بىرقاتار ءوڭىرلەرىندە بولاتىنىنان حاباردار. تمد پاا-نىڭ حالىقارالىق بايقاۋشىلار شتابى استانا مەن الماتى قالالارىندا ورنالاسادى.
وسى كەزدەسۋگە تمد پاا باس حاتشىسىنىڭ ورىنباسارى حالەل باكەنوۆ قاتىستى.