ۇيىم مۇشەلەرى اراسىنداعى ءتارتىپتى نىعايتادى
«نۇر وتان» پارتياسى ورتالىق اپپاراتى پارتيالىق باقىلاۋ دەپارتامەنتىنىڭ قىزمەتكەرلەرى جۇمىس جوسپارىنا سايكەس, پارتيانىڭ اقمولا وبلىستىق فيليالىنىڭ جانە بۋراباي مەن كوكشەتاۋ اۋماقتىق فيليالدارىنىڭ ىشكى پارتيالىق ءتارتىپتى نىعايتۋ ماسەلەلەرىنە قاتىستى قىزمەتىنە تەكسەرۋ جۇرگىزدى.
وسى جىلدىڭ تامىز ايىنا دەيىنگى مالىمەتتەر بويىنشا, وڭىردە «نۇر وتان» پارتياسىنا مۇشەلەر قاتارى 44325 ادامعا جەتكەن. بۇل وتكەن جىلعىدان 25 پايىزعا كوپ. ياعني, ءبىر جىل ىشىندە «نۇر وتاندى» قالاپ, سەنىم ارتقاندار سانى 8 938 ادامعا ارتىپ وتىر.
پارتيانىڭ وبلىستىق فيليالى پارتيالىق باقىلاۋ كوميسسياسىنىڭ قۇرامىنا ەرەجەدە كورسەتىلگەن مەكەمەلەر مەن قوعامدىق جانە ۇكىمەتتىك ەمەس ۇيىمداردىڭ وكىلدەرى ەنگىزىلگەن. وبلىستىق كوميسسيا بيىلعى جىلدىڭ ءبىرىنشى جارتىسىندا ەكى وتىرىس, ال اۋماقتىق كوميسسيالار 45 وتىرىس وتكىزىپتى. وتىرىستاردا نەگىزىنەن قازاقستان پرەزيدەنتى, پارتيا توراعاسى ن.ءا.نازارباەۆتىڭ قازاقستان حالقىنا جولداۋى, سونداي-اق, پارتيا مۇشەلەرىنىڭ جارعى تالاپتارىن ورىنداۋ, پارتيالىق ءتارتىپتى ساقتاۋ ماسەلەلەرى تالقىلانعان.
پارتيالىق باقىلاۋ كوميسسياسىنىڭ جوعارىدا اتالعان ەكى وتىرىسىندا 10 ماسەلە تالقىلانىپ, سوعان بايلانىستى 10 شەشىم قابىلدانعان جانە 57 ۇسىنىم بەرىلگەن. قارالعان جانە تالقىلانعان ماسەلەلەرگە توقتالاتىن بولساق, وندا وڭىردەگى وزەكتى ءارى وتكىر پروبلەمالار ءسوز بولعانى بايقالادى. ولاردىڭ ىشىندە وتىرىسقا قاتىسۋشىلاردىڭ, اسىرەسە, پارتيالىق ءتارتىپتى بۇزۋ فاكتىلەرىنە باسا نازار اۋدارعانى كورىنىپ تۇر. بيىلعى جىلدىڭ ءبىرىنشى جارتىسىندا توعىز پارتيا مۇشەسىنىڭ پارتيالىق جاۋاپكەرشىلىككە تارتىلىپ, ءبىر نۇروتاندىقتىڭ پارتيا قاتارىنان شىعارىلۋى سوعان مىسال بولىپ تۇرعانداي.
بۇگىندە بيلىك پارتياسى ءوز مۇشەلەرىنىڭ پارتيالىق ءتارتىپتى قاتاڭ ساقتاۋلارىنا ەرەكشە ماڭىز بەرۋدە. سەبەبى, ادەپ كودەكسىن بۇزىپ, تارتىپسىزدىككە جول بەرگەن پارتيا مۇشەسى پارتيانىڭ اتىنا نۇقسان كەلتىرەدى. تەكسەرۋ ناتيجەسى كورسەتكەندەي, اقمولا وڭىرىندە جاعىمسىز ارەكەتتەرگە بوي الدىرىپ, تارتىپتىك جاۋاپكەرشىلىككە تارتىلعان «نۇر وتاننىڭ» مۇشەلەرى دە كەزدەسەتىنى وكىنىشتى. مىسالى, تسەلينوگراد اۋماقتىق پارتيا فيليالىندا – 5, اقكولدە – 3, جارقايىڭ اۋماقتىق فيليالىندا 1 پارتيا مۇشەسى پارتيالىق جاۋاپكەرشىلىككە تارتىلىپتى.
پارتيا مۇشەلەرىنىڭ اراسىندا جەمقورلىققا سالىنىپ, ءىستى بولعاندار دا بار ەكەن. ولاردىڭ قاتارى بىرەۋ ەمەس, بىرنەشەۋ ەكەندىگى ويلانتادى. رەتىنە قاراي ايتاتىن بولساق, وسى جىلدىڭ 10 ناۋرىزىندا اقمولا وبلىسى بويىنشا جەمقورلىققا قارسى ءىس-قيمىل ۇلتتىق بيۋروسى دەپارتامەنتىنىڭ قىزمەتكەرلەرى ي.تەمىرباەۆتى ۇستادى. ول الدىن الا ءسوز بايلاسۋ ارقىلى, بالاباقشانى تەكسەرۋ بارىسىندا انىقتالعان بۇرمالاۋشىلىقتى اكتىدە كورسەتپەۋ ءۇشىن جەكە تۇلعادان 800 مىڭ تەڭگە پارا العان. قازىرگى كەزدە وعان قاتىستى سوتقا دەيىنگى تەرگەۋ امالدارى جۇرگىزىلىپ جاتىر.
سونداي-اق, 2016 جىلدىڭ 25 ناۋرىزىندا اقمولا وبلىسىنىڭ ەڭبەكشىلدەر اۋداندىق سوتى وسى اۋداننىڭ مادەنيەت جانە تىلدەردى دامىتۋ ءبولىمىنىڭ باسشىسى ە.ەسىمسەيىتوۆكە قاتىستى اكىمشىلىك ءىستى قارادى. 2003 جىلدىڭ ورتاسىنان بەرى «نۇر وتان» پارتياسىنىڭ مۇشەسى وزىنە باعىنىستى تۇلعانىڭ جەمقورلىق ارەكەتىنە بايلانىستى وعان ءتيىستى شارا قولدانباعان جانە قۇقىق قورعاۋ ورگاندارىنا حابارلاماعان. سوتتىڭ قاۋلىسىمەن ە.ەسىمسەيىتوۆكە اكىمشىلىك جازا رەتىندە 100 ايلىق ەسەپتىك كورسەتكىش كولەمىندە ايىپپۇل سالىندى جانە ول پارتيا مۇشەلىگىنەن شىعارىلدى.
وتكەن جىلدىڭ 19 قازانىندا پارتيانىڭ ساياسي كەڭەسى «نۇر وتان» پارتياسى مۇشەلەرىنىڭ ادەپ كودەكسىن قابىلداعان ەدى. وڭىردەگى بارلىق 344 باستاۋىش پارتيا ۇيىمدارىندا كودەكستە كورسەتىلگەن ماسەلەلەردى تۇسىندىرۋگە جانە پارتيالىق ءتارتىپتى ساقتاۋعا بايلانىستى ءىس-شارالار وتكىزىلدى. اۋماقتىق جانە جەرگىلىكتى اتقارۋشى ورگانداردىڭ قىزمەتىندە كەزدەسىپ قالاتىن جەمقورلىق فاكتىلەرى دە تالقىلاندى. وسى شارالارعا 25 مىڭنان اساتىن نۇروتاندىق قاتىستى. پارتيا مۇشەلەرى اراسىندا پارتيا جارعىسى مەن ادەپ كودەكسى نورمالارىن ءتۇسىندىرۋ جۇمىستارى تۇراقتى جۇرگىزىلىپ تۇرادى. قاجەتتى اقپاراتتاردى پارتيا مۇشەلەرى عانا ەمەس, كەز كەلگەن ادامنىڭ الۋىنا جاعداي جاسالعان.
جالپىلاي العاندا, 2016 جىلدىڭ وتكەن سەگىز ايىندا وبلىس اۋماعىندا جەمقورلىق سيپاتىنداعى 124 قىلمىستىق قۇقىق بۇزۋشىلىق تىركەلىپتى. بۇل ماسەلەدە كوكشەتاۋ قالاسى, تسەلينوگراد, ەڭبەكشىلدەر, بۋراباي, زەرەندى اۋداندارى مەن ستەپنوگور قالاسى الدىڭعى ورىندا تۇر. كەيدە قۇقىق ءتارتىبىن بۇزۋشىلىق «نۇر وتان» پارتياسى مۇشەلەرىنىڭ اراسىندا دا كەزدەسەتىنى بەلگىلى. مىسالى, جارقايىڭ اۋدانىنداعى وترادنوە اۋىلدىق وكرۋگىنىڭ اكىمى م.مۇقانوۆ وسىنداي ارەكەتتەرى ءۇشىن پارتيا قاتارىنان شىعارىلدى. ءبىز مۇنى وزگەلەرگە ساباق بولسىن دەگەن نيەتپەن ادەيى كەلتىرىپ وتىرمىز.
وڭىرلىك جانە اۋماقتىق پارتيالىق باقىلاۋ كوميسسيالارىنىڭ مۇشەلەرى جەكە جانە زاڭدى تۇلعالاردىڭ جەمقورلىقپەن كۇرەسكە, سونداي-اق پارتيالىق ءتارتىپتى ساقتاۋعا قاتىستى تۇسكەن وتىنىشتەرى مەن شاعىمدارىن ءوز مەزگىلىندە قاراپ, ءتيىستى ۇسىنىستار جاساپ وتىرادى. بيىلعى جىلدىڭ ءبىرىنشى جارتىسىندا فيليالدىڭ پارتيالىق باقىلاۋ كوميسسياسىنا توعىز جازباشا ءوتىنىش تۇسكەن. ونىڭ تورتەۋى پارتيانىڭ ورتالىق اپپاراتىنا جولدانعان ءوتىنىش-حات.
پارتيالىق باقىلاۋ كوميسسياسى مۇشەلەرىنىڭ بەلسەندىلىكپەن جۇزەگە اسىراتىن تاعى ءبىر جۇمىسى – ازاماتتاردى قابىلداۋ. ەسەپتى كەزەڭ ىشىندە كوميسسيا مۇشەلەرى 15 رەت ازاماتتاردى قابىلداۋ ءىسىن وتكىزگەن. وندا ءارتۇرلى ماسەلەلەردى قامتيتىن 39 ءوتىنىش-شاعىم قاراستىرىلىپتى. ال اۋماقتىق كوميسسيالار 158 ماسەلە بويىنشا 100-دەن اساتىن قابىلداۋدى جۇزەگە اسىردى. كوميسسيا, سونداي-اق, مۇددەلى مەملەكەتتىك ورگانداردىڭ جانە قوعامداستىقتىڭ قاتىسۋىمەن پارتيا باعدارلامالارىنىڭ ورىندالۋىن تەكسەرۋ ماقساتىندا جەرگىلىكتى جەرلەرگە رەيدپەن ءجيى شىعىپ تۇرادى. جىلدىڭ العاشقى جارتىسىندا وسىنداي 22 رەيد وتكىزىلدى.
پارتيانىڭ اقمولا وبلىستىق جانە اۋماقتىق فيليالدارى تاراپىنان جۇزەگە اسىرىلعان ءىس-شارالار – سەمينارلار مەن دوڭگەلەك ۇستەلدەر, وزگە دە جيىندار بارشىلىق. ولاردىڭ بارلىعى ەلباسىمىز ن.ءا.نازارباەۆتىڭ «نۇرلى جول – بولاشاققا باستار جول» جولداۋىن, باسقا دا باعدارلامالىق قۇجاتتارىن ىسكە اسىرۋعا باعىتتالعان.
ءاليسۇلتان قۇلانباي,
«ەگەمەن قازاقستان»