9 اقپاندا اقوردادا مەملەكەت باسشىسى نۇرسۇلتان نازارباەۆ «Glencore International AG» كومپانياسىنىڭ باس ديرەكتورى ايۆان گلايزەنبەرگتى قابىلدادى, دەپ حابارلادى قازاقستان رەسپۋبليكاسى پرەزيدەنتىنىڭ ءباسپاسوز قىزمەتى.
اڭگىمە بارىسىندا ەكى جاقتى ىنتىماقتاستىقتىڭ بىرقاتار ءماسەلەلەرى تالقىلاندى.
كەزدەسۋ كەزىندە ءبىز «Glencore» كومپانياسىنىڭ قازاقستانداعى ينۆەستيتسيالىق جوبالارىن, ەلدە ءبىزدىڭ قىزمەتىمىزدىڭ اياسىن كەڭەيتۋ ماسەلەسىن تالقىلادىق. جاقىندا ءبىز «قازمىرىش» اق كاسىپورنىنا مىس قورىتۋ جابدىقتارىن ورناتىپ, 850 ميلليون اقش دوللارى كولەمىندە ينۆەستيتسيا تارتتىق. جابدىقتار وسى جىلدىڭ ناۋرىزىندا ىسكە قوسىلادى. بۇدان بولەك, ءبىز «التىنتاۋ» التىن كارەرىن زەرتتەۋ ماسەلەسىن تالقىلادىق. كومپانيا كارەرگە 657 ميلليون دوللار كولەمىندە ينۆەستيتسيا سالىپ وتىر. قازىر كارەردىڭ قۋاتى 70 پايىزدى قۇرايدى, ال ساۋىردە ول 100 پايىزعا دەيىن جەتەدى, – دەدى ا.گلايزەنبەرگ جۋرناليستەرگە ارنالعان بريفينگتە.