نازەركە جۇماباي«Egemen Qazaqstan»
270 ماتەريال تابىلدى

تەاتر • 30 جەلتوقسان، 2022

قايتالانباس قولتاڭبا

سىرتتان رەجيسسەر شاقىرىپ، وزگەنىڭ ورتاڭقول جۇمىسىنىڭ وزىنە تاڭىرقاي تاڭداي قاعىپ، تامسانا قول سوعاتىن «كەڭپەيىل» قازاق تەاتر الەمى ءۇشىن، اشىعىن ايتۋ كەرەك، سوڭعى بەس-ون جىلدىقتا فارحاد مولداعالي ەسىمى جاڭالىق بولعانى انىق. ايگىلى رەجيسسەر ءارى پەداگوگ مامان بايسەركەنوۆ مەكتەبىنەن تۇلەپ ۇشقان تالانتتى جاس قازاق ساحنا ونەرىندە شىن مانىندە سىلكىنىس تۋدىرىپ، قايتالانباس قولتاڭبادا قويىلعان «قاراگوزىمەن» قالعىپ بارا جاتقان قازاق تەاترىن وياتتى.

قوعام • 19 جەلتوقسان، 2022

كينوتەاترلار مەملەكەتتىك ءتىلدى نەگە شەتتەتەدى؟

كورەرمەن اسىعا كۇتكەن الەمدىك بلوكباستەر دجەيمس كەمەروننىڭ «اۆاتار: سۋ جولى» ءفيلمى 15 جەلتوقساننان باستاپ جالپىحالىقتىق پروكاتقا شىقتى. قۋانىشتى ەسەلەي تۇسكەن تاعى ءبىر جاڭالىق – جاھان جانارىن جاۋلاعان ايتۋلى تۋىندىنىڭ مادەنيەت جانە سپورت مينيسترلىگىنىڭ قولعا الۋىمەن قازاق تىلىندە دىبىستالۋى دەسەك، قاتەلەسە قويماسپىز. الايدا اقسارباس ايتىپ، بوركىمىزدى اسپانعا اتا قۋانعان بۇل عالامات سەزىمنىڭ ءدال پرەمەرا كۇنى توبەمىزدەن سۋىق سۋ قۇيعانداي ءبىر-اق ساتتە تۇگەسىلەرىن كىم بىلگەن؟..

ونەر • 30 قاراشا، 2022

ساحناعا ادالدىق

ەلوردادا تەاتر مەن تۇلعا تويى قاتار اتالىپ ءوتتى. استانالىق جاستار تەاترىنىڭ 15 جىلدىعى جانە تەاتردىڭ نەگىزىن قالاۋشى ءارى كوركەمدىك جەتەكشىسى، اباي اتىنداعى مەملەكەتتىك سىيلىقتىڭ لاۋرەاتى نۇرقانات جاقىپبايدىڭ 75 جاسقا تولعان مەرەيتويى ارقانىڭ ايازدى كۇندەرىنە شۋاق سىيلاپ، كورەرمەندەر ءۇشىن شىن مانىنىندە ونەردىڭ ۇلكەن مەيرامىنا ۇلاستى.

تەاتر • 28 قاراشا، 2022

بالاۋسا كورەرمەنگە تارتۋ

ەرتەگى دەسە ەلەڭ ەتەر كورەر­مەندى جەلتوقساننىڭ 4، 9، 10 جانە 11-ءى كۇندەرى «استانا بالەت» تەاترىندا «قار پاتشايىمى» بالەتىنىڭ پرەمەراسى كۇتەدى. دانيالىق جازۋشى گانس حريستيان اندەر­سەن ەرتەگىسىنىڭ جەلىسىمەن قويىلاتىن سپەكتاكلدىڭ رەجيس­سەرى – رەسەيدىڭ ەڭبەك سىڭىرگەن ونەر قايراتكەرى، تاتار­ستان رەسپۋبليكاسىنىڭ حالىق ءارتىسى گەورگي كوۆتۋن. سپەك­تاكل ماەسترو ارمان ورازعاليەۆتىڭ جەتەكشىلىگىندەگى سيم­فونيالىق وركەستردىڭ سۇيەمەلدەۋىمەن وتەدى.

سۇحبات • 27 قاراشا، 2022

نۇرقانات جاقىپباي، مەملەكەتتىك سىيلىقتىڭ لاۋرەاتى: ءومىرىمنىڭ كرەدوسى – شەڭبەردەن شىعۋ

استانانىڭ تاعى ءبىر اق تاڭى اتتى. تاڭعاجايىپ تەاتر تاڭى. ساحنادا مۇلگىگەن تىنىشتىق. جاستار تەاترىنىڭ ات شاپتىرىم زالىندا نوقاتتاي عانا قارايعان بەينە كوزگە شالىندى. وڭاشاعا وقشاۋلانىپ العان جالقى سۇلبا الىسقا، تىم-تىم الىسقا كوز تىگەدى. ءوزى وسىندا بولعانىمەن، ويى قياندا. ماڭايىندا تىرشىلىك بارىن الدەقاشان ۇمىتقان. ءتىپتى جانىنا جاقىنداپ بارساڭ دا، سەلت ەتەر ەمەس. يىعىنا تۇسكەن ۇزىن شاشىن سالالاپ قويىپ، تەرەڭ ويدىڭ قۇشاعىندا وتىر. ءتىپتى ءبىزدىڭ قاسىنا قالاي كەلگەنىمىزدى دە سەزبەدى بىلەم، توسىننان شىققان ءۇنىمىز ويىن ۇركىتكەندەي، ءسال توسىرقاپ قالدى دا، لەزدە ءوزىن جيناپ الا قويدى. ك ۇلىمسىرەي امانداسىپ، بىردەن: «جاڭا قويىلىمنىڭ پرەمەراسىنا دايىندالىپ جاتىرمىز. ۋ.شەكسپيردىڭ «رومەو-جۋلەتتاسى». بۇل قويىلىم مەنىڭ شەكسپير دراماتۋرگياسىنا جاساعان تاجىريبە-تريپتيحىمنىڭ ءتۇيىنى دەسەم دە بولادى. وسىعان دەيىن «اساۋعا تۇساۋى» مەن «گاملەتىن» ساراپتاسام، ەندىگى كەزەك «رومەو مەن جۋلەتتاعا» كەلدى. كوپتەن بەرى كوڭىل تۇكپىرىندە تولعانتىپ ءجۇر ەدى، مىنە، ەندى كورەرمەنىمەن قاۋىشاتىن دا ءسات جاقىنداپ قالدى. بۇيىرسا، ەرتەڭ پرەمەرا. سپەكتاكلدىڭ ساحناعا شىعار كۇنى جاقىنداعان سايىن مەندە دە مازا جوق. وسىلاي ەلدەن بۇرىن كەلىپ اۋەلى دايىندىق الدىندا ءوزىم وڭاشا قالىپ ويلانامىن، بۇعان دەيىن جاسالعان جۇمىستارعا قايتادان كوز جۇگىرتىپ، ويشا ارتىق-كەم تۇسىن ەكشەپ الامىن دا، سودان كەيىن اكتەرلەرىمدى شاقىرامىن. ءسويتىپ، ءوزىمنىڭ ويىم مەن ولاردىڭ تۇنىمەن ىزدەنىپ دايىندالعان ىزدەنىسىن ءبىر ارناعا توعىستىرىپ، سودان ورتاق شەشىمگە كەلەمىز» دەپ اڭگىمەسىن باستاعان رەجيسسەر تاعى دا ساحنادان كوز الماي، ءۇنسىز قالدى. پرەمەراالدى تولعانىس ءھام تولقىنىس ەكەنىن تۇسىندىك. سانادا سايراپ تۇرعان سانسىز ساۋالىمىزبەن كيلىگىپ، ويىن بولگىمىز كەلمەدى.

تەاتر • 14 قاراشا، 2022

«جىبەك جولى» – ونەر جارمەڭكەسى

ەلوردادا بەكزات ونەر جانكۇيەرلەرى اسىعا كۇتكەن «جىبەك جولى» حالىقارالىق مۋزىكالىق ونەر فەستيۆالى شىمىلدىق ءتۇردى. تەاتر دۋمانى مۇقان تولەباەۆتىڭ اڭىزعا اينالعان ء«بىرجان – سارا» وپەراسىمەن اشىلدى.

ونەر • 08 قاراشا، 2022

«استانا بالەت» گرۋزياعا اتتانادى

«استانا بالەت» تەاترىنىڭ گرۋزيا ەلىنە جوسپارلاعان گاسترولدىك ساپارى 14-15 قاراشادا تبيليسيدەگى ز.پالياشۆيلي اتىنداعى وپەرا جانە بالەت تەاترىنىڭ ساحناسىندا وتەدى. گاسترول اياسىندا ەلوردالىق ۇجىم «سالومەيا»، «A Fuego Lento» ءبىر اكتىلى بالەتتەرى مەن « ۇلى دالا مۇراسى» كونتسەرتتىك باعدارلاماسىن گرۋزيالىق كورەرمەن نازارىنا ۇسىنادى.

كينو • 03 قاراشا، 2022

پاريجدەگى قازاق كينوسى

وتكەن اپتادا ايگىلى ەليسەي الابىندا مادەنيەت جانە سپورت مي­نيسترلىگىنىڭ تاپسىرىسى بويىنشا ۇلتتىق كينونى قولداۋ مەملەكەتتىك ورتالىعىنىڭ كومەگىمەن شىعارىلعان فيلمدەردىڭ كورسەتىلىمى ءوتتى. ءىس-شارا IV فرانتسياداعى قازاقستان كينوسى فەستيۆالىنىڭ اياسىندا ۇيىمداستىرىلدى.

سۇحبات • 02 قاراشا، 2022

روزا امانوۆا: قازاق ەلىن ەرەكشە قادىرلەيمىن

«مەن سەنى ساعىنعىم كەلەدى». وسى ءبىر سىرشىل دا اۋەزدى ءانى ارقىلى تىڭدارماننىڭ جۇرەگىنە جول تاۋىپ، تالاي جاننىڭ رۋحاني جاقىنىنا اينالعان روزا امانوۆا تەك قىرعىز ەلىنىڭ عانا ەمەس، قازاق حالقىنىڭ دا شەكسىز ماحابباتىنا بولەنىپ كەلە جاتقان باقىتتى ءانشى. قازاقتىڭ «سەگىز قىرلى، ءبىر سىرلى» دەگەن تەڭەۋى دە ءدال وسى جانعا قاراتىپ ايتىلعانداي. قىرعىز رەسپۋبليكاسىنىڭ حالىق ءارتىسى، توقتاعۇل اتىنداعى قىرعىز مەملەكەتتىك سىيلىعىنىڭ لاۋرەاتى، قازاقستاننىڭ ەڭبەك سىڭىرگەن ءارتىسى، ەتنومۋزىكاتانۋشى، ونەرتانۋ دوكتورى، پروفەسسور، قىرعىزستان بويىنشا ايەلدەر اراسىنداعى جالعىز داستانشى، قومىزشى، سازگەر، ءانشى، مەملەكەتتىك جانە حالىقارالىق دەڭگەيدەگى بايقاۋلاردىڭ جەڭىمپازى – ءبىر باسىنا مىڭ-سان ونەردى توعىستىرعان تالانتتى تۇلعانىڭ جۇرەك قىلىن شەرتەر تاعىلىمدى اڭگىمەلەرى دە اسەرلى. استانادا وتكەن قىرعىزستاننىڭ قازاقستانداعى مادەنيەت كۇندەرى اياسىندا تالايدى تامساندىرعان ونەر يەسىمەن سۇحباتتاسۋدىڭ ءساتى ءتۇستى. اڭگىمەمىزدىڭ القيسساسىن دا ءانشى توسكەيدە مالى، توسەكتە باسى قوسىلعان باۋىرلاس قوس مەملەكەتتىڭ مىزعىماس دوستىعى مەن تەرەڭنەن تامىر تارتار ءتىنى بۇزىلماس تۋىستىعىنان باستادى.

قازاقستان • 02 قاراشا، 2022

Umai: ءمۇسىن جەڭىمپازى انىقتالدى

قازاقستان رەسپۋبليكاسى مادەنيەت جانە سپورت مينيسترلىگى تاعايىنداعان ەلىمىزدەگى العاشقى Umai ۇلتتىق سىيلىعى – بۇل تەاترلىق «وسكاردىڭ» انالوگى. ءۇش اي بويى قازاقستاننىڭ اتاقتى سۋرەتشىلەرى Umai سىيلىعى مۇسىنشەسى سىزباسىنىڭ اۆتورى بولۋ قۇقىعى ءۇشىن تالاستى. سىيلىقتى وتكىزۋ الاڭىنا اينالعان «استانا وپەرا» تەاترىنىڭ كوركەمدىك كەڭەسى ۇزدىكتەردىڭ ۇزدىگىن انىقتادى.